COVID-19: Hri kai 12 hmuhchhuah belh; hri vei hmuhchhuah 4122 tling tawh!

 

• Hri kai tamna ber Aizawl district-ah hri vei 68 awm mek!
• Siaha, Mamit leh Khawzawl district chu hri vei awm lohna district an ni rih.

Aizawl | December 20, 2020: Nimin khan Mizoram-ah  COVID-19 positive 12 hmuhchhuah belh a ni a, dam tawh 14 in enkawlna hmun an chhuahsan.

Sawrkar thuchhuah tarlan danin, nimin a hrivei hmuhchhuah te hi ZMC RT-PCR khawl hmangin positive 1, TrueNAT hmangin positive 10 leh  Rapid Antigen test hmangin positive 1 hmuhchhuah an ni.

Tun dinhmun-ah Mizoram a hri vei hmuhchhuah tawh zawng zawng hi mi 4122 niin, dam tawh mi 3957 an ni a, enkawl lai mi 158 an awm mek a, nunna chan zat hi mi pasarih an ni.

Hri vei hmuhchhuah tawh zingah hian Mipa 3032 awmin, Hmeichhia 1090 an ni.

Tun dinhmunah Aizawl-ah hri vei tam berin 68 an awm mek a, Lunglei-ah 37, Lawngtlai-ah 32 awm lehin,  Serchhip 7,  Champhai -ah 4, Kolasib 8, Hnahthial-1,  Saitual-1 an awm bawk a ni.

Siaha, Mamit, leh Khawzawl district chu hri vei awm lohna district an ni rih.

ZMC RT-PCR positive 

Khatla: Mipa kum 36, Silchar atanga lo kal, quarantine facility-a awm mek, symptom nei lo

RAgT Positive

Saitual: Mipa kum 25, Mimbung khua, Manipur atanga lo haw, symptom nei lo.

TrueNAT positive

Lunglei: Mipa 7, kum 20-38, Bihar atanga lo kal, APS Construction Company a thawk, Lungranga quarantine lai, symptom nei lo

Kolasib: Mipa 3, kum 19-38, Kawnpui-1 leh Vairengte Zalen Veng -2, state pawn atanga lo haw, quarantine facility a awm, symptom nei lo

Sample test dan::

ZMC lab: Aizawl-408

TrueNAT lab: Lunglei-41, Mamit-19, Kolasib-34, Serchhip-50, Lawngtlai-24, Saitual-5, Hnahthial-8

RAgT: Aizawl-172, Lunglei-55, Kolasib-19, Serchhip-3, Lawngtlai-45, Saitual-2, Hnahthial-6