SUCCESS STORY: Thingtlang hmeichhe naupang ni thin Super specialist ni mai tur Mary Hmingthantluangi!

Mizo zingah a hmasa ber a nih loh vek pawhin a hmasa pawl ni tura Super Speciality in Cardiothoracic and vascular surgery zir tur Hmeichhe chhuanawm Mary Hmingthantluangi  kan belchiang.

Pawl 10 pass mah har a, ni e, pawl 12 te pawh hi pass loh theih deuh mai a nia. Kan belhchian hi chuan MBBS a zova, a zawh hnu-ah specialist a zo leh a, chumi hnu-ah Super Speciality in Cardiothoracic and vascular surgery zir chhunzawm tur in a inziak tling leh a ni. He nula chhuanawm Mary Hmingthantluangi hi hmeichhe fel leh kawm nuam, thiante tana inpe zo tak mai a ni a. Hei vang hi ni maw a thiante leh mi dang pawh hian hming hran hrangi an ko thin!.

Mary Hmingthantluangi hi Mer, Mar, Mary, Te-i, Hmingthan emaw Tekawk tih tein an ko thin a, Anry Malsawma leh Lianchhingi te fa pathum zinga naupang ber niin, an unau hu mipa pakhat leh hmeichhia pahnih an ni.

Mary Hmingthantluangi hi September 13, 1991 khan a lo piang a, Thingsulthiah Tlangnuam mi niin, a zirna vangin tunah hian Lucknow, UP-ah a awm mek a. Kohhran lamah chuan Presbyterian Kohhran ah an lawi a ni.


Mizia - Friendly thei vek, ka spontaneous bawk, mahse ka kawm duh tak hi ka nei hrang, a chang leh ka taima hle thei a, thatchhiat a chhuah chuan tuman min ti lui thei lo 😁 Funny ka inti bawk 😁


Zirna lam:
1. Pawl 1 atanga pawl 10? 
- Don bosco School Seling, Tlangnuam High school leh Govt Mizo High school ka kal thin a.
Primary leh middle school-ah chuan min pass tir ve tawk tawk thin term exams ah pawh failed chang ka ngah ve thin 😁, class 9 atang Khan lehkha zir ka tui ve tan chho ta a class ah pakhatna ka ni chho leh zel thung. 😁 Pawl 10 hi kum 2008 khan ka pass a ni.

2. Pawl 12 hi?
- Pawl 12 hi science ka la a, Govt Mizo Higher Secondary School atangin 2010 khan distinction ah ka pass.

3. Zirna sang zawk i zirte leh i zirna hmun leh kumte?
- 2010 ah Mizoram state medical entrance ah ka tling a MBBS zir turin RNT Medical College Udaipur Rajasthan-ah august 2010 velah Khan ka chhuk a,  MBBS hi 2016 khan zovin, MS (General Surgery) leh PDCC & fellowship in Thoracic Surgery2016-2020 chhungin ka zir leh bawk.

# Medical entrance bei turin coaching i kal em? 
- Pawl 12 kum tawp lamah crash course an tih thla khat vel chu ka kal ve.

# I lehkha zir dan?
- Ka zir dan tih ah chuan high school leh higher vel kha chuan ni tin class a kan zir ang kha homework a awm emaw awm lo pawh nise regular takin in lamah ka en nawn ziah a,  exam dawn ah revision chauh ngai tur ang deuh in ka ti ve thin.
MBBS ka zir hnu chuan ka zir dan a dang deuh a kum tluan a ka chhiar ai chuan exam dawn thla 3-4 velah tan ka la thin! 😁
Chuan, PG (specialist) zirna lamah chuan hna thawk pah kan nih avangin zirna hun a awm lova, Ni tina practical a ka tih thin leh exam dawn hnai te a ka zir hi a ni deuh tawh mai.

Doctor i zirna?
- MBBS (2010-2016) RNT Medical College Udaipur Rajasthan, MS(General Surgery) leh PDCC & fellowship in Thoracic Surgery (2016-2020)- King George medical university, Lucknow Up.

Tuna i zir zawm  tur hi eng ber nge ni?
- Ka zir zawm tur hi MCH/Super Speciality in Cardiothoracic and vascular surgery  niin, AIIMS New Delhi ah a ni anga,  kum thum zir tur a ni.

A zir theih dan:
MS General Surgery /specialist kan tih hi zawh phawt a ngai a, chuan AIIMS hian entrance hran an nei a, chu chu exam a ngai a exam hi stage hnih a awm a mark 80 pu theory leh 20 marks interview a ni.



i duhzawng leh ngainat zawngte:
Rawng - mood a zirin a inthlak, tunlai chu Green leh purple 😁
Chawhmeh  - Mizo chawhmeh zo tak leh vawksa rep
Incheina - Cozy and comfortable casual.  Formal deuh hi ka ngaina ngai lo 😁
Rimawi – genre ang chuan ka sawi thiam lo mahse ka duh ho chu Hillsong United & worship, Lauren Daigle, Imagine Dragons, Taylor swift, Mizo ah chuan zaipawl, Vanlalsailova, kimkima Ralte

Mize ngainat zawng - mi inngaitlawm, tawng duh, taima, fiamthu duh.

Mize ngai nat loh zawng:-
- Gossip /mi chungchang sawi se se ang chi, awm ho na zinga inla hrang or thil tih ho dawn a group a awm ve reng si tel tha leh peih lo, dawt sawi Ching 

Hobby- TV serial leh movies ka hunawlah, ka zirlai bak lehkhabu dang ka chhiar ngailo ka peihlo a 😁

Relationship status - I am in a relationship 😁

Kawppui atan duhzawng:
- Eng ang mi pawh ni se Pathian tih tak, Pathian thu a ka than/grow pui theih tur min fuih leh min ngaithla peih, khawi hmunah pawh ka tan awmin inpe reng se, spontaneous leh funny deuh ni mai nuih reng ka duh a. 😁

 

Zawhna dang:::
1. I nun kaihruaitu: Pathian thu leh hla, Ka nu, Ka tet lai atanga tun thleng a ka  zirtir tu te 

2. Hringnuna i hlauh ber: khawvel ka dam chhunga ka tihtur hlen loh 

3. I tih ngai miah loh tur: Tih ngai miah loh tur ai chuan tih tum loh chu ka nei nual a, Pathian thu thu a ni mai 😁

4. Mizo Tualzal nuna ṭha i tih:
Tlawmngaihna, chhiatni thatni ah leh khawlai a mi tanpui ngai an awm pawha tanpui mai thei mizo kan ni hi

5.  Quote i duh ber: Grey’s anatomy show quotes ho duh ber thlan tur ka hrelo 😁


6. Mizoram leh Mizo tualzal nuna Mizo hmeichhiate dinhmun:
- Mizoram a hmeichhia-te dinhmun hi a chhe hran lova, hmanlai anga hmeichhe dinhmun hniam kan ni tawh lovin ka hria. Mahse, ka hmuh dan chuan zah/ respect kan phu ang hi kan la hmu lo, Nu te zahna te kan la nei tlem a, thiannu emaw thawhpui hmeichhiate zahna te a tlem a, thil hriat lam inang rengah pawh mipa nih avanga thil tha hre bik tlat a inngaihna te a awm a, zah/respect phu te hi zah thiam ila, kan zah vak lo anih pawn sawi chhe Kher lo ila .
 
7. Hnam hmingṭhat leh hmingchhiat kawngah Hmeichhiate'n mawhphurhna: 
- Kan ngah lutuk a Mizoram leh north east India ang pawhin mi pakhatin a tih chu ti vek turah min ngai tlangpui a (a bik takin vai kan tih ho hian), kan awmna apiang ah ringtu kan nihna lang se la, Pathian thu kan awih chhung chu a kal sual theih loh. YES or NO tih Hun leh hmun thliar thiam a ni mai. Kan kalna Line a inang loa mahse Mizo hmeichhia hi chu taima leh hna a inpe zo tak hian min hria in ka hriaa ka lawm bawk a, kan thil tihna apiangah sincere takin ti zel ila ka duh. 


8. Hnam ziarang chawinun kawnga Hmeichhiate mawhphurna: 
- Khawi hmunah pawh awm ila kan kalna apiangah hian mizo kan ni tih hi hria se la, a zahthlak lo a , kan hna tha tak a kan thawh theuh chuan mi in min hria anga Mizo kan nihna kan chawi nuna tha ber chu ani. A bak a awmlo, sawiselna tur awm lek lo a kan hna thawh ah kan tai mak phawt chuan, hei baka ze nun chawimawi dan vak a awmlo ka ngaihdan chuan.

9. Mizote tan 'Fa neih tlem' inzirtir hi a ṭulin i hria em? 
- Tul ka ti lo, fa chawm harsa tur kan nih lem loh chuan fa hrin tam inzirtir a tul ka ti zawk!

10. Mizo hnam ṭhanmawh bawk nia i hriat?
- ka sawi tawh ang khian kan thil tih na reng reng a hna sang hna hniam a awmlo tha tak taima tak a kan thawh loh vanga hlawhchham kan tam, kan hma zawn ami theuh hi sincere takin ti thei ila chuan kan thang chak ngawt ang. Taimak leh tuar chhel ani Mai hlawhtlin bul tanna chu.


11. Mizo hnam damna atana  kawng awm nia i hriatte? 
- Kan thil tih reng2 tih tut tut a result hmuh nghal mai tum lo ila thalaite hian kan hmaa awm kan tuizawng leh hna thawh te hi ti fan fan ila beidawng mai lo in taima leh rilru tuarchhel takin thil tha thleng tur chuan nghah theih te angai a , bei dawn loh ani mai.

12. Hnam chhan nana Hmeichhiate ṭangkaina leh mawhphurna?
- Mahni hnam pui ngei pasal a neih a, Mizo hnam kan lo than theih nan kan fate pawh Mizo hnam a chiang mi leh ram tan a mi tangkai ni ngei tur a chher chhuak tu Hmeichhe nih tum hi hnam kan chhan theihna tha ber a ni in ka hria😁


13. Zirna, Khawtlang leh Kohhran hi?
- Zirna school tha kan ngah a, Mizoram zirna hi a awm chin chu a tha vek ka Tia kei mahni in kan zir chuan mi hlawhtling tak in chher chhuahna theih vek ani a , khawtlang leh kohhran hi chu mizo mizia a bet tlat ani a, kan ho tute hruaitute thu zah thiam a tha a, tel ve theih zel te hi thalai tan chuan a tha ka Tia , helam hlat a awm tawh chin ah chuan rual pawl loh na te mahni inlak hranna rilru leh thil tha lo te pawh aniang a piang duh ka ti. Hna dang neih phei chuan a hman reng theih loa mahse hman ve hun a lan ve zeuh zeuh pawh a pawi lo, tuman an dem ka ring lo.

14. Khawtlang, Kohhran leh nangmah: 
- Zirna vanga in ka chhuah san hma em avangin ka in hmang hman em em loa ka haw chang chuan ka tel ve thin theih ang angin hman vek lo mah ila.

15. Social Media leh Nangmah:
- Social media hi ka hmang ve a, Facebook, Instagram leh WhatsApp a ni mai ka lut peih ve reuh lutuk. Mahse, ka thil tih tur thulh ang chi kha chuan ka khawih ngai lo.

16. Mizoram ṭhalai tam tak tlakchham: 
- Taimakna leh tawrhchhelna a ni leh mai, ka sawi tawh ang tho hna hniam leh sang a awmlo kan hna theuh hi tuar chhel takin ti fan fan ila, kan ram hi a tla chhe thei lo hrim hrim.

17. Mizo ṭhalaite hian ngaihsan tur dik an ngaisangin i hria em? 
- Tun a thangthar leh zual a tam zawk hi chu ngaihsan tur dik an hre vak lo, social media influence a ni theiin ka hria.

18. Ngaihsan tur dik nia i hriat: 
- Mi rinawm, eng ang hna pawh thawk se taima leh rinawm ka ngaisang ber

19. Hlawhtlinna tura pawimawh: 
- Beidawn mai loh hi a pawimawh ka ti, vawi tam tak pawh bei nawn ila, chhel taka beih chuan back up plan neih ngei ngei tur, 'chu mi chu lo ni thei lo ta ila chu chu ka ti ang,' tih ang chi kha.

20. Hloh i hlauh ber: Hlimna 


21. Hnam dang nupui pasal neih hi?
- Dinhmun a zir a ni a, an neih chhan khan a zir tawh a ni ang chu!.


I thalaipuite tan fuihna:
- Pathian tih hi engkim bul tanna leh a tawpna, a bak chu ka sawi tawh ang khian! 😁

EXPLOREMIZORAM.COM i hmuh dan: 
- A tha ka ti, an bengvar a Mizo thalaite hmakhua an ngai khawp mai! 👍🏻



Founder/Editor
Explore Mizoram



(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

2 Comments

He post chungchanga i ngaihdan lo sawi ve rawh:

  1. Kan khaw nula hi kan chhuang tak zet. Hlawhtling takin zir chhuak se. Lal Isua rawngbawlna peng pakhat, Tihdamna hi a mamawh tu tan țangkai takin hmang mawlh rawh se. A rawn haw lawk lai paw'n a thlawnin kan pan luih luih a. Zing thawh hlimin a tum bur ngai lo! Don Bosco School, Seling ațang a kea, a rawn haw hnuk hnuk țhin kha mitthlaah a la cham reng!

    ReplyDelete
  2. Kan khaw nula hi ka chhuang hle mai,hlawhtling turin duhsakna ka hlan e.Mizo ten hlawhtling tura kan mamawh em em "Teirei peihna"lo nei zel teh se

    ReplyDelete

Post a Comment

He post chungchanga i ngaihdan lo sawi ve rawh:

Previous Post Next Post