Governor-in Prime Minister hnenah Mizoram-a AIIMS din dilna thlen

Aizawl | December 19, 2020: Governor PS Sreedharan Pillai chuan nimin chawhma khan Prime Minister Narendra Modi chu a chennaah a hmu a. Mizoram tana thil pawimawh te a sawi pui a. Heng zingah hian Mizorama All India Institute of Medical Sciences(AIIMS) din sak tura dilna pawh a tel a ni.


Prime Minister Narendra Modi leh Governor Pillai hi Mizoram tana thil pawimawh hrang hrang sawiin rei tak an inkawm a. He hunah hian Governor Pillai chuan Mizoram chhunga Health Sector chungchang chu ngaih pawimawh bik a tul thu a sawi a. Prime Minister hriatthiam theih turin Mizoram chhunga  HIV/AIDS, Cancer, Malaria, Heart Attacks/Neuro lam kaihnawih, etc avanga kan harsatna tawh me te chipchiar takin a sawi a. Thingtlang chu sawi loh, Aizawlah pawh natna khirh deuh te enkawl a nih theih loh thu te, sum tam tak sengin damlo tam takin Phai lam an pan thin the te, mimal leh sawrkar sum tak tak senral a nih thin thu te a sawi.

Governor Pillai chuan Prime Minister hnenah hian Mizoram sawrkar sum tam tak senral a ngai thin te, damlo ten sum tam tak senga phai an pan thin te hi tih tawp a nih theih nan AIIMS emaw a tlukpui Mizoramah din a tul a ni a ti a. Mizoramah AIIMS emaw a tluk pui Super Speciality Hospital din ngei turin Prime Minister chu a ngen nghal a ni.

Governor P.S.Sreedharan hian nimin tlai vek khan Union Home Minister Pu Amit Shah chu a chenna inah a kawm a. Union Home Minister hnenah hian Governor Pillai chuan Mizoram mamawh hrang hrang te a thlen bawk a ni.

- DIPR

Post a Comment

He post chungchanga i ngaihdan lo sawi ve rawh:

Previous Post Next Post