CCC Part-I: Covid-19 Positive ka lo ni ve ta reng mai

Kum 2019 December thla ah China atangin a sakhming ah Covid-19 ti a kan hriat lar tak Coronavirus chuan ram tin, hmun tin a dap chhuak ta reng mai. China hi mihring tamna ber a ni a. India ram hi a dawttu kan ni ve thung a. India ramah Mizoram chu ram kilkhawr ber a awm kan ni a, Mizoram ah Lawngtlai chu a kilkhawr lama awm kan ni bawk. Chutiang bawkin Lawngtlai ah pawh ka pian leh seilenna veng chu veng kilkhawr tih theih tur a ni ve bawk a. Mahse, Covid-19 hian hmun kilkhawr deuh ah pawh ka kal lo mai ang tih a tum ta hauh lo mai le. Veng chhung ah mi vanduai eng emaw zat in Covid-19 hri an kai a, an tan tiin theihtawp lo chhuah ve tum a rilru ka siam laiin, kei ngei pawh Covid Care Centre pan ngaiin ka awm ta. Lalpa remruat dan hi ava mak ngai em.

Pathian in amah pawlna hun tha min pe

November 13, 2020 khan TrueNat hmangin test ka nei tawh a. Pathian zarah ka negative a, kha hun kha a ngaihawm ta hle mai. Tichuan, December 12,2020 ah RAgT in ka in test a, ka positive ta hlauh mai. Ka positive tih ka hriat khan ka va awi lo em ka ti hial a ni. Mahse, In ka thlen chuan Pathianin amah pawlna hun tha min pe a ni, tih ka rilru ah a lo lang a. Ka rilru a hahdam huai mai, mahse tih a ngai leh thin. Ka nupui fanau te ka ngaituah ngawih ngawih

November thla tir atang khan Pathian nen inpawlna hun tha hi kan lo nei tawh miah lo hi a ni a. MDC Election kan hmachhawn a, Covid-19 buai in kan buai bawk a. Pathian nen lendun na hun tha kan lo nei hauh lo hi a lo ni a. Ka taksa pawh a hrisel tha a, engmah in sawiselna ka nei hauh lo, mahse Kan Pathian hian amah nen in pawlna hun tha ka nei lo lutuk hi, hun tha min pe ta zawk ani tih hi ka pawm dan a ni. He hrileng hian ka taksa ah rorel lo ta se, amah ngaihtuah lovin ngaihtuah dan ka va nei nasa dawn em. Lalpa ka lawm e..tih mai loh chu sawi tur ka nei lo.

- Elvis Zuala