CCC Part-V: WE ARE NOT ALONE

Tuilum thatna tlem ziak tel ang aw

Thupui atan tawng tial hmang ve leh ngawt mai teh ang. Liverpool Fans te chuan kan player te tha ti chak turin You'll Never Walk Alone tiin player te phurna pe in an zai thin a. Chu chuan chakna a pe a, hnehna pawh an chang thin a ni. Playerte hian an mahni chauh in ral an do lo tih an chiang em em mai a. Anmahni tanpui a, hnehna an chang ngei theihna tura an lam tang an awm tih an hriat tlat avangin Kum 2019 khan Champion No mawi an chawi ta ngei anih kha.


A ni, Covid-19 avanga harsatna tawk mektu te hian he hi kan rilru ah awm teh se, We Are Not Alone mal in kan awm lo. Kan kiang ah Isua a awm reng a. Ani chuan min kalsan ngai lova, min thlahthlam ngai hek lo. Chuvangin, he hri laka kan himna chu amah anih tlat si avangin Kei atan erawh zawng Pathian hnaih hi a tha a ni tiin amah hnai zual sauh sauh ila. Mal a kan awm hi a phal ngai lo ani. Hla siamtu chuan hetiang a ti a.
Malin ka awm lo, mal in ka awm lo, Ka hma i hruai ang a min kalsan ngai lovang; Malin ka awm lo, mal in ka awm lo, Ka hma i hruai ang a min kalsan ngai lovang chuvangin keini ho hi Pathian awmpuina kan chang reng a. Amahah chakna, chak lehzualna kan neih theihna turin min kalsan ngai lo ani. Lalpa chu fakin awm rawh se.

Covid leh Tui lum
Mi thiam ten an sawi a Covid-19 damdawi tha tak pakhat chu tui lum in tam hi a ni, an ti thin. Covid Care Centre a ka luh hnu a kan in tam ber chu tui lum a ni. Covid avang lo pawh hian thatna tam tak pawh a nei ngei ang le. Tuilum chu - Hnar leh hrawk chianglo tan a tha a. Hritlang, khuh leh hrawk-na (sore throat) tan tuilum in a tha hle a ni. Khak a ti tuiral a, thawkna dawt atangin a paih chhuak thei a, hnar ping pawh a ti ziaawm thei ani. Ava tha em..lo in ngei ngei rawh.
Tin, thisen luang a tichak a, nervous system tan a tha. Chaw paitawih (digestion) lama harsatna nei te tan pawh a tha hle bawk. Chaw ei hmain tuilum no khat vel in la, chaw eikham darkar chanve vel hnuah tuilum no khat in leh la, hei hian digestion-ah a tanpui ang a, inthiar lamah harsatna nei te tan a hle bawk a ni. Zing thawh hlim, kawruak laia tuilum kan in hian kan ril vela kan chaw ei chambang te a tleuh fai a, tifaitu tha tak a ni...sawi tur tam tak pawh a la awm ngei ang. Tun atan chuan duh tawk leh phawt ang le... 
Ni hman nuam vek ule

- ELVIS ZUALA


December 15, 2020

Post a Comment

0 Comments