Saihapui V-ah Assam lamin Mizo huan laichhia; Sipai Camp siam an tum?

[Thu kal lai a ni a, tihdanglam a update reng a ni e. Copy emaw Screenshot mai lovin Link i share zel dawn nia.]

Aizawl | November 9, 2020: Saihapui 'V' ah Assam official-te kal in Mizo huan enkawl lai chu laichhiain, huan thlai puitling tawh an lai chhe nasa hle niin exploremizoram.com in thu a dawng.


Assam lam hi DIG, Cachar DC leh Cachar SP hovin official bakah police thahnem tak an rawn thawkchhuak niin thu dawn a ni.

Thudawnna chuan, "Assam lam hian Camp siamna turin an rawn lai ringawt a, a neitute pawh engmah min hriattir lo," a ti a. Huan an tihchhiahtsak hi Saihapui V mi leh sa Pu Lalchawimawia huan niin, a fanu chuan, "an laih hnu fe ah, 'Kuhva khu tihchhiat a ngai a,' an rwn tia, engmah min hrilh silo in inrawn lai ringawt a kan tia, Assam ram a nih hi engvagge kan laih loh ang an ti." a ti a.


"Kan kuhva kung te pawh an lai thlu a,kan oil palm hmun thlegin,helai hmunah hian sawrkar hmun ghet kan siam dawna inchhuah a ngai ang, in leilet vaipa pawh a chhuak an tia," tiin exploremizoram.com a hrilh a.

"Cachar DC phei chuan helai hmun hi tunah clear ghal vek tur ati," niin a sawi bawk.

Pu Lalchawimawia fanu vek hian, "Kuhva kung kan eizawnna ber min tihchhiat sak a, chu bakah thal thlai kan chinna tur ber hmunah camp siam an tum bawk a, mahse engah mah kan thusawi an awihlo a, an la tilui zel tho a, hmun nghet din an tum," a ti a. Mi dang huan an khawih ve leh ve loh a hriat loh thu exploremizoram.com a hrilh bawk.

Assam lam thiltih hi henglaia force duty te hian an khap lo niin a lang.

Helai hmun hi SSB te awmna atan Assam lam hian an lai nia hriat a ni a, Mizoram official awm te nen an indawr a, boruak a kal mek niin thu dawn a ni bawk.

I chhiar tel duh takin;

2 Comments

He post chungchanga i ngaihdan lo sawi ve rawh:

  1. twitter ah te hian report kimchang hi, Prime Minister,Union Home minister , Union home secretary, leh mi pawimawh dang hi tag ula, direct info pe ula ka van ti tak.. high level talk hi chu hun a duh rei si a, violation of human rights of the drivers , mizo ,etc in tan hmun khawh ila. National highway/ inter state trade hi chu union list ania, union a hruaitu te hnenah vui thiam hi a pawi mawh ka ti

    ReplyDelete
  2. Mzp te, yma te Central ah hian zualko ve zung zung teh uu. Hetia ramchhunga inphun lungawi ringawt gian kawngro a su lo. Chakma, Bru pawh kan tluk lo heti kawngah hi chuan.

    ReplyDelete

Post a Comment

He post chungchanga i ngaihdan lo sawi ve rawh:

Previous Post Next Post