15th Finance Commission-in kum 2021-22 atanga 2025-26 chhung atan President hnenah Report a thehlut

Aizawl | November 9, 2020: Finance Commission Chairman Pu N K Singh kaihhruaina hnuaia 15th Finance Commission (XVFC) chuan vawiin khan kum 2021-22 atanga 2025-26 chhung atana a report buatsaih chuan India President hnenah a thehlut a. Commission member - Pu Ajay Narayan Jha, Prof. Anoop Singh, Dr.Ashok Lahiri leh Dr.Ramesh Chand bakah Secretary to the Commission Pu Arvind Mehta-te'n Chairman hi an tawiawm a ni.

Terms of reference (ToR) behchhanin Commission chu kum nga chhung 2021-22 atanga 2025-26 atana rawtna siam a, October ni 30, 2020 ral hmaa thehlut tura beisei a ni a. Kum kalta khan Commission hian kum 2020-21 chhung atana a rawtna siam lo thehlut tawhin Union Government chuan a lo pawm tawh a, January ni 30, 2020 khan Parliament ah lo pharh tawh a ni.

Terms of reference hnuaiah hian Commission hi thil bik leh issue zau takah rawtna siam tura ngen a ni a. Vertical leh horizontal tax devolution, tualchhung sorkar/inrelbawlna grant, disaster management grant te bakah Commission hi power sector, DBT hman, solid waste management leh a dangahte State-te hnena performance incentive pek dan chungchangah rawtna siam tura tih a ni a. Commission hi defence leh internal security tana fund pekna hranpa siam a tul leh tulloh zirchiang tur leh a hranpa siam anih a kalpui dan turah rawtna siam turin a ti bawk a. Commission hian ToR hnuaia a hmalak ngaihnate hi Union government hnena Report a thehluhah hian a chhang a ni.

He Report hi volume li ah then a ni a. Volume I leh II ah hian tun hmalama lo tih thin angin report hlawmpui leh annexes dah a ni a. Volume III ah hian Union Government kaihhnawih dah niin department pawimawhte kimchang taka zirchian an ni a, medium term challenges leh roadmap siamte dah a ni a. Volume IV ah hian State kaihhnawih dah a ni a. Commission hian state tinte finance dinhmun kimchang taka zirchiangin state maltinte harsatna hmachhawn milin hmalakna siam a ni.

Report hi Union Government in Parliament a a pharh hnuah leh report a rawtna siam chungchanga explanatory memorandum/hmalak tawhna report peih a nih hnuah public domain ah hmuh tur a awm dawn a.  Report cover leh title te hi he Report ah hian danglam bika siam a ni a "Finance Commission in Covid Times" tih a ni a. A cover a scales hman hi States leh Union inkara balance tihlanna atana  hman a ni.

- PIB Aizawl