MOTDA in Hmar Inpui chungah lawmthu sawi

Aizawl | November 9, 2020: Manipur a thâutui phura kal, Mizoram Oil Tanker Driver's Association (MOTDA) chuan, Malom, Manipur a thâutui phura kalte Hmar Inpuiin thei tâwpa lo chhawmdâwla, tha leh zung, sum leh pai sênga an lo țanpuina chu  lawmthu hrilhin, Hmar Inpui hnênah lâwmna thuziak an hlân.

Tunhnai Assam leh Mizoram ramri chungchanga buainaa Mizoram châkkhai lâkna Aizawl-Silchar kawng dan a nih avângin  MOTDA member thanhnem tak manipur -ah hian Mizoram mamawh lam turin an lirthei khalhte nen an kal a ni.

Mizoram mamawh phura Manipur kalte hi Zirtawpni tlai khan Seling dai an lo thleng tawh a ni.