Phainuam khua-in IR te thing tuah tur laksak

Aizawl | November 4, 2020: Phainuam khawtlang chuan ramri buai vanga ramri-a duty mek Mizoram IR te thungtuah tur tukin khan an laksak.

Tukin zing dar 7 khan Phainuam VC leh YMA Phainuam Branch bultumin ramri buai avanga Saihapui V-a IR DUTY te thingtuah tur  la-in  Phainuam thalai an hnatlang a,  thing tuah tur Pickup trip 2 zet IR duty te tan an hlan.

Hnatlang-ah hian mi 32 thawkchhuakin, Kohhran Puithiam pahnih Presbyterian Pastor Rev Lalrinmawia leh UPC NEI Pastor Rev R Lalnithanga ten an tawiawm . thalai hnatlang a thawk chhuakte chungah Phainuam VC  leh YMA Phainuam Branch  chuan lawmthu an sawi a ni.

Phainuam khua hi Saihapui V nena khaw inthenawm mai awm niin, In 300 bawr vel an ni a. Chhungkaw tam zawk hi kuthnathawka ei zawng an ni.

- Buanga Singson

3 Comments

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post