Manipur a Zofa hnam peng hrang hrangten Mizoram mipui thlawp

Aizawl | November 4, 2020: Manipur-a cheng zofa hnam peng hrang hrang hnam dawhkan (INPUI) pawl hrang hrang; Kuki Inpi, Churachandpur, Zomi Council,  Hmar Inpui, Mizo People Convention, Manipur-te chuan nimin khan thuchhuah siamin Mizoram mipui te mangang lo tur leh Mizoram mipui dinnaa an din tlat thu an tarlang.




JOINT PRESS STATEMENT
Churachandpur, the 3rd November, 2020
Keini a hnuaia hnam dawhkan (INPUI) pawl hrang hrangte hian kan puala LALPA min pek ram, Mizoram, Zofate Jerusalem-in ramri chungchang avanga buaina, ṭhenawm Assam State aṭanga a tawk hi pawi kan ti a, ramri hrula cheng a bikin nunauten nasa taka tihthlabar an tawk hian kan rilru a ti na hle. In ṭahna hi kan ṭahna a ni a, in lawmna hi kan lawmna a ni tih hi in hriat loh kan duh lo. Mizorama cheng kan unau, Zofate tana inpui nghak mek tute u, lo zam reng reng suh u! Keini Zofa in unau Manipura chengte hian, a ṭûl leh a pawimawh dan ang zela chet rawn la turin, kawng engkimah kan hnam leh kan ram chhan tur hian kan inpeihin, kan inhuam reng a ni tih hi kan rawn puang a ni.
 
Kan zirlai pawl hrang hrang heng ZSF, SSPP, HSA, ZILLAI, KSO, MZP (Manipur) te leh kan tlawmngai pawl YMA (Manipur), ZYA, YPA, KKL, HYA leh ZYO ten ṭanpuina kut an lo hlan tawhte leh kawng engkima an inhuamna thuchhuah an siam te kha lawmawm kan ti a, an hmalaknate hi kan thlawp tlat a ni tih kan tarlang bawk.

LALPA kan PATHIAN hnama min dintu leh ram min petu hian, kawng engkimah min hria e. kan thih leh ruam khatah kan dam leh mual khatah tiin kan ram leh kan hnam tan kan ding reng ang.


In unaute,

(LETPU HAOKIP)                                                     (LALKHOHAO CHONGLOI)
 President                                                                         Secretary
                                 Kuki Inpi, Churachandpur.



(JOHN K. NGAIHTE)                                                 (NANGZAKAI SUANTE)
 Chairman                                                                         Secretary
                                             Zomi Council.



(JOSEPH R. HMAR)                                                             (FRANCIS SONGATE)
 President                                                                                 Secretary
                                                 Hmar Inpui.



(VANLALRINLIANA)                                                              (LALZUITLUANGA)
 President                                                                             General Secretary
                                     Mizo People Convention, Manipur.

Post a Comment

0 Comments