PHAINUAM KHUA HMEICHHIA TEN ZONU HNAM CHHAN HNATLANG HLAWHTLING TAKIN NEI

Aizawl | November 10, 2020: Vawiin dar 11 khan Phainuam khua a ZONU ten hnam hnatlang an nei.

 He hnatlang hi pawl bik an awm loa, RAMRI chin fel lo reng a awm chu an duh lova, Assam chhunga Bangladesh refugee ten kawng an dang chhen chu an hrethiam lova, dang tawh lo tur leh Central Sawrkar in hma la se an duh thu an auchhuah pui a ni

Hnam chhan hnatlang a chhuak tehi Vairengte SDPO leh sipai thuam famkim mi10  ten an veng a, Buarchep phai a Assam LPS school bomb puahna hmun a Duty SSB (Central Police) ten lo dang mahse, hmeichhia te hian tawn tlang lui in mizo ten kan luah chin ram (MIZORAM) chin ah dingin Mizo leh Hindi a au hla an siam hmanga an au rual hnu ah programme tawite hmangin MHIP hruaituten (Phainuam Branch leh Block MHIP) leh Phainuam Bialtu Pastor (PCI) Rev Lalrinmawia ten thusawina hun an hman zawh hnu in an tin ani

SSB (Central Police) duty te hian a tirah dan tum in hrethiam lo deuh mahse, Phainuam hmeichhia hmalakna an han hmuh in ropui an ti in thenkhat te phei chu thla latu  ah an tang hlawm ani

Phinuam Zonu Hnamchhan hnatlang te au hla hi :

1. HRUAITU: Tuna kan awmna hmun Phainuam Buarchep ram hi

MIpui : Mizoram a ni

2. HRUAITU: Assam Sawrkar hian kan ram hi

MIPUI: Rawn chuh tawh suh se

3. HRUAITU: Phainuam mipui te hi

MIPUI: Kan zam ngai lo

4. HRUAITU: Phainuam mipui te hian kan ram chhan nan

MIPUI: Thih thlengin kan bei zel ang.

5. HRUAITU: Phainuam, Mizoram

Mipui: Dam reng rawh se

6. HRUAITU: Bangladesh refugee hian Mizoram kawng hi

MIPUI: Dang ngai tawh suh se

7. HRUAITU: Mizoram kawng dan a nih leha Central sawrkar a ngawih reng chuan

Mipui : Kan independent ang tih te a ni.

Heng Mizo  au hla bakah hian Bengali tawngte, Hindi, English leh Mizo thuziak tam tak hnutchhiah in, an va dinna chinah hian pal an hung nghal bawk.

He Ramchhan hnatlanga thawkchhuak zawng zawng te chungah thinlung takin PHAINUAM a ZONU te chuan LAWMTHU AN sawi a ni.

- Buanga Singson