Phainuam khua-ah sikul bomb chhia

Phainuam | November 7, 2020: Tukin zing lam dar 1:20 vel khan tu tih hriat loh ten Phainuam Khaw bula Primary Sikul chu an bomb darh leh a ni.


He sikul hi, Sign Board a intar ang hian Cachar District, Assam hnuaia mi a ni a, a ti tu hi hriat a ni lo. Ramri hrul Phainuam leh Assam inrina a awm a ni.

He Sikul hi Buarchep phai (Phainuam area) a awm a ni a, mahse Cachar District, in a an enkawl a ni.

Khawchhung atanga hnai te a ni a, a bul vel zawng zawng hi Phainuam khua in a leilet an neihna hmun vek a ni bawk.

He Phai hian Assam lam atangin Kawngpui a pawh thla tha em em a, Mizoram atang erawh in kawngpui a tlawh pawh loh avangin buh thar chhuah lakna pawh a harsa em em a, an harsatna pawh November 05 khan Civil SDO Vairengte hnenah link road laih sak tura ngenna  Phainuam Village Council President, Pu Lalthenlova chuan a han thehlut tawh bawk a ni.

An tihchhiat hma..

He thil a thlen chhan hi tunlai ramri buaina nena inkaihhnawih a ni tih a rinawm. Assam lam hian ramri tinah a khat tawk in buaina an chawk chhuak reng a, Vairengte dai a nih loh vek pawh in Thinghlun, anih loh vek pawh in Phaisen, Buhchangphai, etc.. tunah hian Mizoram leh Assam ramri ah Saiphai lama Vai ho hian buaina tak an siam a la hriat lova, hetia buaina a awm zel a nih chuan ala chhuak lovang tih a sawi theih loh a ni.

- Buanga Singson

Post a Comment

0 Comments