Aizawl, the 7th November 2020 : Nimin tlai khan Mizoram Sawrkar tirh a Manipur atanga oil phur motor 5 te chu tluang takin Aizawl an lo lut a, heng motor leh a khalhtute hi Food, Civil Supplies & Consumer Affairs Joint Director Pu Laltanpuia Hnamte leh Department officer dangte leh MIZOFED hotuten AMC Office tual, Thuampui ah an lo dawngsawng a ni.
He hunah hian an pualin programme tawite hman a ni a, driver leh handymen 12 te hi chawimawina thuziak leh thangchhuah diar hlan an ni a. Programme kaihruaitu Pu Laltanpuia Hnamte chuan Sawrkar hmalakna tihhlawhtlin kawnga tawiawmtu Mizoram leh Manipur lamah pawl hrang hrang te, kawng laka oil phurtute lo tanpuitu pawl hrang hrangte, Ngopa YMA Group leh Saitual DC te hnenah lawmthu a sawi a ni.
Oil phur motor 5 te hi MIZOFED, Lalbiakliana FS leh Lalnghakliana FS motor te an ni a. Nimin a LPG leh vawiina oil lo phurhluh te hi Agency leh Sawrkar in a tul angin a mamawh te hnenah sem chhuah tum niin POL pawh a dahna tur chu a mamawhna azirin Department leh Dealer ten ruahmanna an siam dawn a ni.
- DIPR
Post a Comment
He post chungchanga i ngaihdan lo sawi ve rawh: