Aizawl | November 1, 2020: Phaisen khaw bula kawng pinn chungchanga vawiin-a Dolchhora, Balichhora leh Bilaipur khaw mipui inrawnkhawm chuan Phaisen bula an kawngpin chu hawn leh an rel a, naktuk atangin hawn an tum niin thu dawn a ni.
Heng vaiho hian Mizoram an duh anga an luh theih loh vangin kawng hi an lai chat a, mahse, Mizoram lamin kan lungkham vak lo nia an hriat hnu hian a buai zawkah an tang ta niin thu dawn a ni.
Hetihlai hian MZP Buhchangphai branch chuan thuchhuah siamin, 'Mizo te min palzam lutuk leh Covid-19 test paltlang lova rawn luh an tumte hi MZP Buhchangphai Branch chuan ṭha a ti lova, a ṭul a nih chuan kawng dan tum a ni," an ti.
MZP Buhchangphai Branch chuan, "Assam ram nena kan inri-na, Dolcherra lama Assam lamin kan in kal pawhna an lo dan tawh chu ṭhiah leh tum in, Ni 2. 11. 2020 (Thawhṭanni) Dar 10:00am hian Mizoram-ah Motor rawn luh tlang tir an tum tih hriat a ni a. Hetianga an duh duh dana Mizo te min palzam lutuk leh Covid-19 test paltlang lova rawn luh an tumte hi MZP Buhchangphai Branch chuan ṭha a ti lova, a ṭul a nih chuan kawng dan tum a ni a. Ṭul a awm pawha a theih ang anga lo in ring ṭheuh turin kan in hriattir e." tiin thu an chhuah a ni.
- Kawng an laihchhah lai report HETAH a awm e.
Post a Comment
He post chungchanga i ngaihdan lo sawi ve rawh: