Mizoram chakkhai phur tur Lirthei ten Manipur thleng; HSA in hmuakin lo lawm

Aizawl | November 02,2020: Mizoram leh Assam ramri buai vanga Mizoram sorkar in Manipur a tuialhthei leh mamawh thenkhat la tura a tirh truck te chuan nimin tlai khan Manipur an  luta, Churachandpur (CCpur )khawpui luh hma in  Hmar Students Association (HSA) General Headquarters in Muallian petrol pump ah lo hmuakin an lo lawm.

HSA hruaitute leh Mizoram chhakkhai lama kal thenkhat

He hunah hian Hmar Students Association (HSA General Headquarters (HSA GHQ) Public Relation Secretary George Tuollai in thusawi in, "Mizorama kan unau ten harsatna an tawk chu kan lo tuarpui hle," a ti a.  "HSA GHQ chuan Home Ministry ah thlen in, Supreme Court hnuai-ah Boundary Commission  din a, Mizoram leh Assam ramri buaina hi a rang thei ang bera chingfel tura an ngen thu ," a sawi bawk.
Geoge Tuollai chuan, "Zofate hi geographical boundary-in min then mahse rilru leh thinlung chu a inzawm reng a ni," a ti a. "tuna kan buaina tawh mek kan hmachhawn tlan dan pawh hi HSA chuan inlainatna leh rilru hmunkhatin kan luang za a ni tih tichian tu ah a ngai a ni," a ti bawk.

HSA GHQ Vice President Pu Simon L Infimate chuan, Mizoram atang a kal te team leader kutah an thingpui man tur pawisa fai leh theitui (Than Than drinks) box engemawzat a hlan a. Manipura an awm chhungin harsatna an tawh palh chuan  HSA chu tanpui turin an inpeih reng a ni tih a sawi bawk.

He hunah hian HSA Churachandpur Joint Headquarters leh HSA Rengkai unit hruaitute an tel bawk a.  HSA chuan, "kan unau harsatna tawk te theihtawp a lo chhawmdawl turin a in huam reng," an ti a, "chakkhai la tura lokal te lo tibuai lo tur leh theihtawp a lo chhawmdawl zawk turin mitin an ngen nghal bawk a ni."

- With Input from - Virthli.in

Post a Comment

0 Comments