Donald Trump a chak mai tura ngaih a nih hnu ah mak tak maiin a dinhmun atanga paihthlak a ni

- Ricky L. Colney

  Trump’s World leh Post hmasa lamah vawi tamtak kanlo sawi leh kan hlauh ber chu a thleng dik ta! Vote by Mail ah diklo taka thil tih tenawm taktak thenkhat kan lo sawi tawh a, tin Election chu Democrats chuan Vote in Mail hmangin thil diklo tak tiin in ziah tlin an tum ni a a lan dan te kan sawi thin a nih kha, engpawh nise Thil awmdan mak tak chu a tawi fel thei ang berin Vote chhiar atangin sawi i han tum teh ang.


  Vote an chhiar ta a, a tir lamah chak takin Joe Biden an hma a hruai nghal zar zar a, Vote chhiar pawh a kal tluang hle. Donald Trump an chak takin a rawn umchho ta a, reilo te ah Donald Trump a dinhmun chu a duhawm chho zawk ta zamah a, Joe Biden a dinhmun chuan hma a sawn hleithei talo, chutih laiin Donald Trump a erawh Vote an chhir thui poh leh a dinhmun a rawn sang chho a ni mai si. Democrats lam hian lak an inrin Florida leh Texas techu Trump a chuan a rawn la ta mai a, chutah Ohio leh hmun dang pawimawh techu la chho zelin , VOTE Chhiar lai mek State pawimawh zawng zawng deuhthaw ah chak takin hma a hruai bawk a ni. US Inthlan ah Ohio State la tu hi an chak deuh ngei ngei ziah avangin leh Vote chhiar lai mek Donald Trump an hma a hruaina te chhut chuan Donald Trump a chu 2020 Election result duhawm takin a hmuak ngei niin khawvel in kan ring vek hman a ni. Chuchu thil mak a nilo, thilmak chu a thleng ta!

 

  Pennsylvania Electoral Vote ngah tak mai ah chuan Trump an Vote nuaih chuang fe in hma a hruai a, Vote an chhiar mek a, a dinhmun chu a minute in a sang tual tual bawk a, Pennsyvania (leh swing State hrang hrang )ah chuan tling mai tawh tura ngaih vek a ni, chu veleh Pennsylvania chuan Vote an chhiar lai chu “Zanin a tan a tawk e” tiin an duhtawk thut a, a tuk a chhiar zawm atan an dah ta mai a, Vote In Mail ballot an hmuchhuak thar ta teuh bawk a, rei tak an reh vang vang hnu ah Pennsylvania Governor Tom Wolf a chuan Vote in Mail Ballots 3 Millions chuang chhiar chhunzawm tur an neih thu a puang zui a ni.  Donald Trump an chak taka hma a hruai mek na Michigan leh Wisconsin (leh hmun dang) pawh chu thawk leh khat ah dinhmun a rawn inthlak thut a, Mail In Vote ballot an chhiar thar zawng zawng ah chuan Donald Trump an hma a sawn thei ta reng reng lova, chu mai a nilo, Intiamrual ang maiin a rualin thawk leh khatah Vote chhiar lai mek ah chuan Donald Trump a dinhmun chu chelh din a ni ta thut mai a, chutah chak tak maiin Biden a dinhmun a rawn sang chho ta zawt zawt mai a ni.Pakhat te te in Donald Trump an hma a hruai na ah chuan pheh thlak a ni ta zel a, tichuan Fox leh India Today atanga a lan dan chuan Joe Biden an Electoral College 264 la tawhin (Post in chhiar lai hichuan dinhmun a dang leh tawh maithei)Trump a erawh hma a sawn thei talo a, Joe Biden a chu tling a puan mai hmabak a ni titih ta der mai!

 

   Vote chhiar muang fal ho, Donald Trump an chak taka hma a hruaina State nisi thawk leh khata a dinhmun tih din a nih rual thup na zawng zawng techu DEMOCRATS rorel na STATE vek a ni a, Democrats in Inthlan vel pawh a Control vek na state anni. Pennsylvania ah te etc. ah chuan Thil diklo tih a awm em ti a thli thlai tur Poll Watcher te Vote chhiar na ah luh khap tlat anni a, tin Polling station ah techuan dan bawhchhia in campaign na kalpui a ni bawk. Donald Trump a dinhmun sang zawk a a awm mek laia thawk leh khata Mail in Vote hmanga Joe Biden a rawn san thut na Michigan ah chuan tlai khaw hnu a an chhiar zawng zawng Vote 128,000 techu 100% Joe Biden a lam vek anni techu thil mak sawifiah thiam loh a ni. Donald Trump an hnehna a chang mai dawn a a lan hnu ah thawk leh khat ah Democrats State Vote chhiar mek na ah a dinhmun tha tak tih din in a awm thuap a, Joe Biden an chak takin a rawn umphak dan techu mi tamtak in awih harsa an ti a, Political influencer, Entertainment and Corporate Finance Attorney Rogan O’handley a chuan Twitter kaltlangin Democrats hovin an Rorel na State a Election rigging an tih thin dan a rawn puang chhuak a,  “Vote register(Vote in mail) atam thei ang ber mipui hnen ah sem chhuah a, chung rawn let/tling khawm techu Election zan ah chhiar a, chutah kan duhloh zawkin Hma a hruai vaih chuan/veleh kan Vote chhiar lai Total tar lan loh, thup hmak..chumi hnu ah zankhat thilthu ah Mail a VOTE rawn lut ni a kan dahkhawm FAKE Ballot techu kan khingpui hmahruai na phet thla tur tawk chiah a kan vote chhiar lai a telh..Vote chhiar chhunzawm”. Tiin a sawi hian thil awmdan a mitthla theih uar uar awm e.

 

   Donald Trump a chuan “hei hi a ni a tir te atanga kalo sawi thin kha..Ballots a nuaih sang tamtak Mipui hnen ah an sem chhuak chur chur dawn tih ka hriat tirh phat atangin kalo sawi tawh thin a ni”a ti a, Democrats techuan Coronavirus chu chhuanlam ah siamin US Mipui chu a hmun ah Vote thlak lo tur leh Mail hmanga an Vote techu thawn mai turin an ruahman a, chutiang chuan US ah tih vek an duh ang ngeiin an ti chho ta a ni. Post hmasa lamah Hetiang a Mail ah Vote an thlak tih bawrhbang a nih dan leh an huatzawng te ballot chu bawlhlawh bawm ah paih a nih dan thlengin kan sawi tawh a,Tin Mithi tawh chenin Vote an thlak(Mail in Vote) tir dan pawh kan sawi tawh kha. Coronavirus chu thiam takin Democrats hian hmanrua ah hmangin an thil tum an hlen chhuak ta a tih theih ang. Donald Trump a Campaign Manager Bill Stepien chuan dik takin chhiar se President Trump a hi a tlin leh ngei kan ring a, Nevada ah pawh Vote 5,500 chuangin  kan chak anga, Arizona Vote 30,000 chuanga chakin Pennsylvania ah Vote 40,000 chuangin kan chak ang tiin a sawi.


   Donald Trump a campaign  chuan Michigan a Vote chu chhiar that leh a dil a, tin Supreme Court a kal an inpeih thu an sawi bawk a, mahse chutih rualin Donald Trump a chuan thil pawi tur zawng zawng a pawi fel vek tawh a ni a ti a, US inthlan dan System ti bawrhbang vek thil tenawm tak chuan sawi a hlawh tur a ni tiin a sawi a.

Post a Comment

0 Comments