Aizawl | November 5, 2020: Tun hnaia Assam lamin Mizoram luhna an danpin na zînga pakhat, Phaisen-Dholchhora (Great wall of Assam tia mi tam takin an koh fiamthu) chu anmahni Assam lamin nimin lam khan an ṭhiat a. Chulai hmunah Sangha leh thil dang inpek chhawn an tum tih hriat a nih avangin MZP Kolasib te an duty a. Buhchangphai-ah Kawng an dang a ni.
An thuchhuahah chuan, "Mizo driver leh Mizo te bungraw phurtu truck thahnem tak mai Silchar-ah an la tangkhang chu kan rilru-ah an awm reng a, heng mite hi dam leh him taka lachhuak turin Mizoram sorkar pawh kan ngen" an ti.
"Kan mamawh lakluh phal lova min hrek mektu vai te hi an sum hmuhna chu keini Mizo te hi kan ni tih an hria a, kan mamawh ang chiahin anni pawhin min mamawh a ni tih mipuiten kan hriat thar a tha hle. Hetih mek lai hian Mizo sumdawng thenkhatten Phaisen-Dholchhora kaltlanga sangha inbanlek an lo tum hi a pawi kan ti a, kan Mizo driver te him taka Mizoram an rawn luh hma chuan min hrektu vai ho nena lo insumdawntawn hi MZP, Kolasib Hqrs chuan a remti lo a ni" an ti bawk.
*MIPUITE HNENA MZP NGENNA*
Mizo Zirlai Pawl Headquarter, Kolasib chuan Mizo mipuite chibai kan buk a che u.
Assam miten Mizoram min nek avanga ramri buai kan nei fo hi a pawi kan ti a, tunhnai bika kan buainaah phei chuan thisen a luang ta hial a ni. Heng Assam-a awm, Bangladesh atanga dan lova rawn pem ten ram min chuhpui avanga buaina kalzelah Mizo te min hrek an tum a, kan chak lakluhna ber Assam nena kan inkalpawhna kawng zawng zawng an dang (block) hi hriatthiam har kan ti hle. Phaisen-Dholchhora road phei chu kawngpui thalai lai an laichat a, chu pawh duhtawk lovin kawngpui an ping a ni.
Tun tum buaina avanga Mizoram chhunga mipuite tanrualna kan hmuh hian lawmawm kan ti a, hetiang buaina kan tawh fo avang hian MZP chuan Tripura leh Manipur atanga kan mamawh lakluh a nih theihnan Mizoram sorkarah kan lo thlen tawh thin. Kan thuthlente ngai pawimawha Manipur atanga oil leh gas lakluh a ni mekte, Tripura lam panna kawng cheithat a ni mekte hi sorkar chungah pawh kan lawm em em a, amaherawhchu kan Mizo driver leh Mizo te bungraw phurtu truck thahnem tak mai Silchar-ah an la tangkhang erawh kan rilru-ah an awm reng a, heng mite hi dam leh him taka lachhuak turin Mizoram sorkar pawh kan ngen a ni.
Kan mamawh lakluh phal lova min hrek mektu vai te hi an sum hmuhna chu keini Mizo te hi kan ni tih an hria a, kan mamawh ang chiahin anni pawhin min mamawh a ni tih mipuiten kan hriat thar a tha hle. Hetih mek lai hian Mizo sumdawng thenkhatten Phaisen-Dholchhora kaltlanga sangha inbanlek an lo tum hi a pawi kan ti a, kan Mizo driver te him taka Mizoram an rawn luh hma chuan min hrektu vai ho nena lo insumdawntawn hi MZP, Kolasib Hqrs chuan a remti lo a ni.
Chuvangin MZP chuan Mizo mipuite kan ngen a, tunah pawh keini Mizo ten kan thenfai ngai miah lovin Phaisen-Dholchhora kawng pawh an rawn thianfai tawh a ni. Tun kan buaina hi an tel lovin kan awm thei a ni tih lantirna hun remchang, keini aia tlawm hmasa zawk tur anih tih hre chungin hun reilo te chhung chu dawh thei taka nghak hram hram turin kan ngen a, Mizo leh Mizo in dan buai ngai lo turin Phaisen kawng lamah rawn kal hrih lo turin kan in ngen a ni.
Ni 3 November 2020 zan dar 9:30 atang khan MZP Headquarters Kolasib leh a hnuai a Sub-Headquarters leh Branch ten Buhchangphai ah motor lut chhhak hi kan dang nghal a ni.
*Issued by: Mizo Zirlai Pawl Headquarters Kolasib*
Post a Comment
He post chungchanga i ngaihdan lo sawi ve rawh: