DDK Aizawl director atan Mangjangam Touthang

Aizawl | November 13,  2020:     Pu Mangjangam Touthang chuan vawiin khan Director, DDK, Aizawl hna a zawm.





He hna a zawm hma hian Director, News Service Division (NSD), AIR, New Delhi hna a chelh a.

Tun hmalamin Director DD News. New Delhi. Head, Regional Outreach Bureau (ROB) (Nagaland & Manipur), Kohima, Head, DD News & Press Information Bureau (PIB), Aizawl, DAVP, Imphal, Manipur te a lo chelh tawh a. Government Service hnuaia a hna bul tanna atan Grade-II Delhi Administration  Secretariat/Sub-Service (DASS),Delhi Administration hna a chelh a ni.
Pu Manga hi Manipur a Kuki tawng a nitin chanchinbu tihchuah 'Sumkon' ah kum 1980 khan editor hmasa ber a ni a. 
          
 Selection Grade Indian Information Service (IIS)  officer,  Pu Mangjangam Touthang hian  Indian Institute of Mass Communication (IIMC), New Delhi atangin Post Graduate Diploma in Journalism (1987-88) a zo a.  Thomson Foundation, Cardiff, Wales, United Kingdom atangin  Diploma in International Broadcast Journalism (2005) a zo bawk a ni.
Kum 2011 khan Kuala Lumpur, Malaysia a Asiavision and Asia-Pacific Broadcasting Union (ABU) in Sports News Training Workshop a buatsaihah DD News aiawhin a lo tel tawh a ni.

Post a Comment

0 Comments