COVID-19: Hripui vangin mi pakhat boral; Hripui vanga boral pathum awm ta!

Aizawl | November 14, 2020: Vanduaithlak takin nizanin khan Covid19 avangin C Lalthanga (70), Dinthar Veng, Aizawl chu ZMC ah a thi.
Sawrkar thuchhuah tarlan danin, C Lalthanga hi October 28 khan hri a kai tih hriatchuah a ni a, ZMC ah hun engemaw chen enkawl a nih hnuin nizan dar 10:40 khan chatuan ram a pan ta a ni.
Rokhawlhna dang a awm loh chuan vawiin zing dar 10 hian Dinthar thlanmualah vui a ni ang.
Mizoram chhunga hri vei hmuhchhuah boral 3na a ni a, Mizorama COVID-19 vanga boral hi Mipa pahnih leh hmeichhia pakhat a ni mek a ni.

Post a Comment

0 Comments