Rulchawm khua-ah lei min; Kawngpui leh chenna in a tichhia

 Aizawl | October 2, 2020: Tukin zing khan Saitual district chhunga Rulchawm khua-ah lei minin kawng a la hek a, lirthei eng chu mah a tlang thei lo.

Tin, he leimin hian in luahlai a la tel bawk a ni.

Mihring nunna chan an awm hriat a ni lo niin thudawnna chuan a tarlang.

"Kan veng leimin hi nimin zing kar khan leikhi chhete hmuh tan a ni a, public playground chung mual a tawlh a, In luahlai pahnih leh sak lai mek pakhat a tawlhpui a ni, nimin tlai leh tukin lei tawlh hma khan lei tawlh huam chhunga mite bungrua hi kan seng hawi hman a ni." tiin YMA Rulchawm branch secretary C Lalrinmawia(Valtea) hnen aṭangin exploremizoram.com in thu a dawng a.

"Leitawlh hi zing dar 7:30 pelh hret vel kha a ni a, mihring thi leh hliam an awm lo hlauh a ni. Leitawlh chin bakah hian leikhi a la awm nual a, in luahlai in 5 leh sak lai mek in khat leikhi huam chhungah hian an la awm a, khawtlangin a tul angin an luah tur in kan ngaihtuah sak a, in chhe ta te leh leikhi in a huam chhung a mite hi sawn chhuah an ni e. Lei chet chhan hi hriatthiam a har a, leihnuai deuh ah hian lungpher a awm niin kan hria a, public playground khaw mawng lama awm, laih ko tawh hi a che ta niin kan hre deuh ber," tiin thudawnna chuan a tarlang bawk.

## Chanchin hi update mek zel a ni a, copy emaw screenshot lovin link i lo share zel zawk dawn nia.