Aizawl | October 3, 2020: Mizoram zaithiam lar leh hriathlawh Essy tia hriatlar Esther Lalpekhlui hian music video thar a rawn nei hnai ta.
Exploremizoram.com zawhna chhangin Essy chuan, Music video hi karleh inrinni vela tihchhuah hman an tum thu a sawi.
He music video hi 'Min Ui Lo Mi' tih a ni a, a hla hi Jt production kutchhuak niin, Recording hi 3brothers recording studio kutchhuak a ni.
Video hi Osiam Pictures kutchhuak a ni dawn a, a mawiin mit a tlei turah ngai tawp mai ang.
He music video-ah hian a thawnthu phochhuak turin Mazualtea Chaltlang a inlan a, lam mawi tak a awm bawk.
'Hey' aṭanga mi lawm hlawh Essy chuan a hla thar chungchang hetiang hian a sawi, "He hla hi Jt Production Album zing mi pakhat a ni a. July thla khan video released hman tura tih n mahse rokhawlhna avangin tunah puitlin thei chauh kan ni," a ti a.
Sawi chhunzawmin Essy chuan, "A hla nalh ka ti thei em ema ka thawhpui thei hi ka lawm em em a ni," a ti a.
Music video siam nana puitute chungah a lawm thu sawiin, "Hun tlemte chhunga buaipui mah nise, kan theihtawp kan chhuah tlang a, a hmuhnawm turah kan beisei," a ti bawk.
Post a Comment
He post chungchanga i ngaihdan lo sawi ve rawh: