Ramri buaina zual zel Inkalpawhna Assam lamin dang; Mizo hliam tuar awm tawh

(Thu kallai a ni a, Update reng a ni. Copy mai lovin Link hi i lo share dawn nia.)

Aizawl | October 17, 2020: Ramri-a buainain ziaawm lam a pan thei lova, Mizoram leh Assam inrina hmun hrang hrangah tunhnai-ah buaina a chhhuak.

 

EXPLOREMIZORAM.COM in thu a dawn danin, Vairengte lamah pawh ramri-ah buaina a awm a, zanin khan Assam lam civil miin buaina an rawn siam leh a, tunah hian kawng an dang mek a ni.

Zanin dar 6:30 vel khan Vairengte Auto stand a IR duty te chu Lailapur mipui ten lung  hmangin an rawn bei a. Hei hi hei hi hriat anih ve leh Vairengte thalai a theih theih chhuk nghal in auto stand thlanga an buk rawn sak 4 chu an hal sak a, tunah hian a 'MZP zorun' sakna bul velah Lailapur ho hi awmkhawm in an in ep mek a, mipui hian thlang lam pan zel tumin boruak a tang hle a ni.

7:00 PM:

Ramri a buaina vangin vairengte thalai an inkokhawm.

7:30 PM:

Ramri-a dawr sak pawh he buaina vang hian hal niin thudawnna  ni bawk.

He buaina thlenna hmun-ah hian Mizo Zirlai Pawl (MZP) Headquarters Kolasib leh MZP Sub - Headquarters Vairengte hruaitute an awm mek niin thudawn a chuan a sawi.

 

7:50 PM:

Thalai pungkhawm hian Mizoram chhunga vaiin Mizoram nek nana dawr an lo sak te hal darh mek zel a ni.

8:00 PM:

Zan thim thil a nih vangin dawr sak thenkhat an hal hnu-ah mipui tam zawk him zawk nan Mipuiin tawlh kir an tum a, Mizoram Police lam an tawlh hma dawn niin thudawnna chuan a sawi.

8:50PM:

Mizo hliam tuar an awm a. Mizo hiam tuar hi mi pathum nia thu dawn a ni a, Lalmalsawma, Vairengte Bazar tlanga mi nia hriat chu sah niin Police motor in damdawiin panpui a ni. Ani bakah hian Mi dang pahnihin lunga vawm leh tiang vuak vangin hliam an tuar niin social media-ah a darh.

Assam lam pawh hliam tuar an awm nual niin thu dawn a ni.

9:15PM:

Mizo hliam pali damdawiin lamah phurh an ni tawh.

9:25 PM:

* Mipui nunau pawh an awm mai mai bik lo. Biak buk hnai ber panin Engkim tithei Pathian an au.

* Kolasib leh a chhehvel thalai rual lirtheiin a hmun an pan tawh.

* Bilkhawthlir thalai rual pawhin a hmun an thleng tawh nia thu dawn a ni.

9:40 PM:

Zanin a lailapur leh Auto stand thlang a intihbuaina kal zelah mizo 4 hliam an awm tawh a, an zingah hian, Malsawma, Bangla veng Vairengte chu a a nghawng hnung lamah leh a banah sah niin a ngawng a mi hi a hliam a thuk deuh avangin Kolasib ah reffer niin doctor in a kalpui dawn a ni. He buaina ah hian Vairengte thalai te hian Lailapur field bul thleng an in sak hi ti chhia in helau hmunah hian lung in annin vawm a, qn in um tawnna lamah hliam hi an tuar ta ani. Herihlai hian hnamdang ho pawh hliam engemawzat awmin na tak tak pawh an awm nual tawh ni a thu dawn a ni. Tunah hian mizo te hi hruaitute RemRuat angin auto stand ah tawlh chhoin IR duty te an lq venpui mek a, Vaiho hi Assam police nen an rawn chho tha leh ni a thu dawn a ni.

- Engkima Colney

9:50 PM:

"Ram leh Hnam tan ka nun chan ngai mahse ke ka pen zel ang" - PU B Vanlaltana, President, Mizo Zirlai Pawl, General Headquarters, Aizawl.

Pu B Vanlaltana hi kum 2018 Zophai , Bairabi Ramri buaiah khan MZP Vice President a nih lai a ni a, Assam Police kut tuarin, a lu leh a taksa hmun tamtak ah thisen chhuak khawp hial  hliam lo tuar tawh a ni. Mizoram tan a ding ngam leh Ram leh Hnam chhan ngam thlalai hmahruaitu kan nei hi Zofate hi kan vannei takzet a ni.

Tunah hian MZP hruaitu thenkhat ten Pu B Vanlaltana, President ho in Vairengte an thleng tawh nia thu dawn a ni.

10:00PM:

MZP in tiamchin awm lo hnam dang pawnchhuah an khap nghal. An thawhpui zirlai pawlte pawh kalpui turin an ngen.

Thuchiang zawk hetah a awm.

10:20 PM:

President (MZP president) hoin Vairengte leh Lailapur vai buaina kan thleng e. Assam Forest office chhak deuh thleng zanthiam hnuaiah Police 7 te nen zuk enfiah an ni. Vai ho chu a thlang deuhah an inkulh ve. An thawm pawh kan hre pha e. Vairengte leh Lailapur inkar Auto stand ah Mizo thalai leh Force tam tak kan inkulh ve bawk. - MZP General secretary Lalnunmawia Pautu

11:00 PM:

ZONET in Live bulletin an pe chhuak -- hetah hian -- a en theih e.

11:30 PM:

Ruah a tla a, boruak a dai a, mi nawlpui an insaseng niin thu dawn a ni.

vawiin khan Saihapui V lamah Saihapui V Task force gate siam chu Assam lam mipuiin an tichhia a, mipui an innawr a, boruak a sosang hle a, Assam lam hi police nen an tang a ni.

 

 (Website a fakna lo langte hi vawi khat tal i lo hmet ve dawn nia.)

Thinghlun lamah pawh vawiin khan Mipui tawktara hmangin Assam lam an rawn che leh a, an innek buai deuh hnu-ah Mizoram Police lamin an hnawtkiang thei ta niin thudawnna chuan a tarlang.

Heng buaina te vang hian vawiin khan MZP general headquarters hruaitute chuan an president B Vanlaltana hovin Saihapui V hi an pan a ni.

Nizan tir lam khan Assam lam sipai-ten Saihapui V task force gate siam chu a hmunah kalin thiat turin an ti niin exploremizoram.com chuan thu a dawng.

Bairabi, Vairengte ah te kan buai a,Thinghlun lama buaina pawh a la reh loh laiin tunah Saihapui v lamah pawh kan buai chho leh dâwn a nih hmel.

Vawiin chhun khan Assam public in duty post an thiat darh vek a. Boruak a sosang hle a ni.