Aizawl | October 17, 2020: Mizoram leh Assam ramri buaina boruak sosang zel-ah zanin atang khan Mizo Zirlai Pawl (MZP) general headquarters, Aizawl chuan thuchhuah siamin Hnam dang pawnchhuah an khap.
MZP thuchhuah chuan, "Mizoram-Assam boundary buaina kal zelah Mizoram chhung hmun hrang hrangah Assam miten harsatna nasa zawk an siam zel avangin MZP chuan Mizoram hmun hrang hranga hnam dang pawnchhuah a khap a. Thu leh a awm hma chu an sahimna ngai pawimawh a tumah pawn chhuak lo turin a hriattir." a ti a.
"MZP General Headquarters thuchhuak hi MZP Headquarters, Sub-Headquarters, Branch leh Hnampuala kan thawhpui Zirlai Pawl ten lo kalpui vek tura hriattir kan ni." tiin an thawhpuite he thuchhuah lo kengkawh vek turin an hriattir bawk a ni.
Tunah hian MZP hruaitu thenkhat ten an President B Vanlaltana hovin Vairengte an thleng tawh a, MZP president B Vanlaltana chuan, "Ram leh Hnam tan ka nun chan ngai mahse ke ka pen zel ang" a ti.
Pu B Vanlaltana hi kum 2018 Zophai, Bairabi Ramri buaiah khan MZP Vice President a nih lai a ni a, Assam Police kut tuarin, a lu leh a taksa hmun tamtak ah thisen chhuak khawp hial hliam lo tuar tawh a ni. Mizoram tan a ding ngam leh Ram leh Hnam chhan ngam thlalai hmahruaitu kan nei hi Zofate hi kan vannei takzet a ni.
President hoin Vairengte leh Lailapur vai buaina kan thleng e. Assam Forest office chhak deuh thleng zanthiam hnuaiah Police 7 te nen zuk enfiah an ni. Vai ho chu a thlang deuhah an inkulh ve. An thawm pawh kan hre pha e. Vairengte leh Lailapur inkar Auto stand ah Mizo thalai leh Force tam tak kan inkulh ve bawk. - MZP General secretary Lalnunmawia Pautu
Post a Comment
He post chungchanga i ngaihdan lo sawi ve rawh: