https://www.exploremizoram.com/2020/10/mzp-in-ramri-chungchang-ah-cm-hmu-assam.html

Aizawl | October 21, 2020: MZP General Headquarters hruaitute chuan vawiin khan Chief Minister Zoramthanga chu a pisa-ah Mizoram leh Assam ramri depa khaw awm Vairengte leh Saihapui V a hma lak dan tur chungchang an sawipui.

MZP chuan,  Vairengte leh Lailapur inkar Auto Stand thlang IR duty mekna chu post puitling siam tur leh Saihapui V  VLTF buk Assam Police ten an luah mekna hmunah IR post siam ngheh a nih theih nan te, Assam aṭang chauh ni lo, ṭhenawm State dangte aṭanga ei leh bar lakluh dan tur te sawipui an ni.

MZP chuan "Ni 17 October, 2020 (Inrinni) a Assam vai (illegal migrants) leh Assam Police ten Saihapui V khuain Covid19 ven buk an sak Assam Police ten tichhiaa an luah mek chu rang taka nawr chhuak a, IR Police camp nghet taka siam chu Mizo mipuite thlamuanna leh kan ram venhimna atan a ṭhat dan turte thlenin, Saihapui V VLTF buk tichhe ngam khawpa  Assam Police te leh Civil mi an rawn thawk ngam chu Mizo mipuite zahlohna leh min tham lohzia lantirnaa an ngaih thu thlen a ni bawk. MZP ngenna leh IR camp chu siam a nih theih nana hmala tur leh a ṭul anga bawhzui a nih tur thu" MZP hruaitute a lo hrilh a ni.

MZP chuan, "Saihapui V a Assam Police leh Civil miten  buaina an siam hnu lawka Assam civil mite vekin Vairengte daia IR duty te lunga an tawng hnua Mizo tlangval thinrim Mizo Sipai thlavang hauh tura thawk chhuak ten engkim huama an beihhnuah Mizoram chhung ngeia Lailapur vai hoin Dawr an rawn siam an ṭhiah sakna hmun chu Assam vaiin an lo luah leh hmaa IR camp siam nghal tura an ngenna pawh chu an lo bawhzui tur thu leh ruahmanna an nei mek thu a lo hrilh bawk. 

MZP chuan "Mizoram leh Assam buaina vanga Lailapur vai (illegal migrants) hoin Mizoram ei leh bar lakluhna ber kawngpui National Highway 54 dan chah chu ṭha lo an tih thu leh, Mizo mipuite zahlohnaah an  ngaihthu an sawi a. Hetiang a nih chuan Tripura, Manipur, Burma leh Bangladesh aṭanga ei leh bar lakluh dan ngaihtuah a ngaih thu leh a ṭul anga Mizoram Sorkar pawh State danga zirlai pawl te nen ṭangruala hmalak dan tur leh, International Boundary piahlama Zohnahthlak unaute biakna kawngah MZP a inhuam thu leh a inpeih thu thlen a ni" Chief Minister chuan Sorkar in ngaihtuahna a lo sen mek thu leh MZP te inhuamna chu fakawm a ti a, a ṭul anga hmalak ho nise tiin a lo chhang a ni.