MPESS 2020 batch ten Givernor leh Chief Minister kawm

Aizawl | October 5, 2020: Mizoram Planning, Economics and Statistical Service (MPESS) 2020 batch te chuan vawiin khan Chief Minister Zoramthanga chu na pisa ah hmuin an kawm.


Chief Minister chuan MPESS officer tharte chu a lawmpuina thu hrilhin, sawrkar inrelbawlnaah planning pawimawh thu a sawi a. Thil awmlo atanga dinchhuah ngaih chang a awm thin thu sawiin, mipui leh ram mamawh ni si, sawrkar atanga ruahmanna awm si loh avanga din chawp a tul thin thu a sawi a ni. Chief Minister chuan MPESS officer tharte chu Zoram tana mi tangkai tak an nih theih nan an hmabakah theihtawp chhuah tura chah in, ni sawm chhung training an neih turah pawh thahnemngai taka inzir turin a fuih a ni.

MPESS 2020 batch te hi mi paruk niin, October ni 15 thleng Orientation Program an nei dawn a ni.

Vawiin chawhma khan Banquet Hall, Raj Bhavan-ah Mizoram Planning, Economics & Statistical Services(MPESS) tling thar te chuan Governor P.S. Sreedharan Pillai an kawm a. MPESS 2020 batch te hi an vain mi 6 an ni a; Dr Lalrinchhana, Director, Economics & Statistics, P&PID leh Senior Official ten an rawn tawiawm a ni.

 

Governor P.S. Sreedharan Pillai chuan Planning Officer thar te a kawmnah hian India hmarchhak tih hmasawnna atana India in 10% of Budget lai mai a dah hrang chu India Hmarchhaka cheng,mi tlem te, India ram mipui zinga 3.76 % zah awrh tan chuan tam tham tak a nih thu a sawi a. Hei hi project siamtute pawhin an hriatchian a ngai a, central atanga sum hailuh kawngah hian tun aia nasa zawka tan a ngai a ni a ti. Sawrkar hna hmu thar te an nih anga a lawmpui thu sawiin Sawrkar hna ringawt lo deuh ngaih pawihmawh a tul tawh tih a sawi a. Governor chuan Mizoram leilung te chu thlai chikimin a ngeih em em vek a nih thu a sawi a. “Ei leh barah hian kan intodelh pumhlum thei rih lo deuh a nih pawhin kan mamawh zualpui te hi chu kan thawk chhuak thei tih a chiang a. Ei leh bara intodelh tur hian thinlung lamah lo inpuahchah hmasak a ngai thin a. Kan state chhunga kuthnathawh kan hreh laia state pawn lamah kuthnathawka eizawng kan nih leh si chuan insiam that a ngai dawn a ni”, a ti. Agriculture & Allied Sector huanga kuthnathawh thlah daha sawrkar leh company hna thawh ringawt tum chu midangte thawhchhuahsa hmanga in hraipuar a ngai leh thin a; inhmuhthiamloh nikhua te pawh awm thei tho a ni a, a him ber lo a ni a ti a. India in a thil tum intodelhna – Atma Nirbhar Bharat nei tur hian kawng engkimah rualkhai taka tan kan lak chhoh zel a ngai a; kuthnathawh hmanga ei leh bara intodelhna te pawh kan ngaih pawimawh viau a ngai a ni a ti.

MPESS 2020 batch tan hian kar 2 chhung Orientation Programme buatsaih a ni a. Orientation Programme of MPESS 2020 batch hawnna hun chu vawiin chawhma dar 10 khan P&PID Conference Hall-ah neih a ni a. Dr. C. Vanlalramsanga, Commissioner & Secretary, P&PID leh Senior Officials, P&PID ten he hunah hian fuihna thu an sawi a ni.

Post a Comment

0 Comments