COVID-19: Dam tawh mi 30 chhuahtir; Enkawllai mi 283 awm mek!

Aizawl | October 5, 2020: Vawiin khan Mizoram-ah COVID-19 positive enkawlna  hrang hrang atangin mi 30 chhuahtir an ni.

Tunah hian hri vei enkawllai mi 283 an awm mek a, dam tawh 1837 awmin, hri vei  hmuhchhuah tawh zawng zawng hi mi 2120 an ni. Hri vei hmuhchhuah tawh zingah hian mipa 1753 niin, Hmeichhia 367 an ni.

CCC/DCHC hrang hrang atanga chhuahtirte hi Tribal Art Centre CCC Tanhril atangin mi 17, Nursing School CCC Serchhip atangin mi 8, SRHF-ZMC atangin mi 3 bakah CCC Mamit leh CCC Chhiahtlang atangin mi pakhat ve ve an ni.

Hri vei tamna ber Aizawl district-ah mi 129 an awm a, Lunglei-ah 71, Lawngtlai-ah 39, Serchhip-ah 15, Kolasib-ah 12, Mamit-ah 11 leh Champhai-ah paruk an awm a ni.

Hri vei dam tawh tamna ber pawh Aizawl district tho niin mi 1251 an awm a, tlemna ber chu Khawzawl niin mi pali an ni.

Hnahthial, Khawzawl, Saitual leh Siaha district chu hri vei awm lohna district an ni mek a ni.

Post a Comment

0 Comments