Sorkar chuan rampum huapin sahuan/zoo tihchangtlun leh tihlen dan tur ruahmanna a siam mek a, hei hi PPP mode a kalpui tur a ni ang -Prakash Jabadekar

October 5, 2020: Wildlife Week 2020 denchhenin Minister of Environment,  Forest and Climate Change,  Pu Prakash Javadekar chuan vawiin khan rampum huapa ramsa chi hrang kan neih  avangin ram mipuite lawmpuina a hlan a.  Sorkar chuan Public Private Partnership (PPP)  in India ram hmun hrang hrang a sahuan/zoo 160 chu tichangtlung leh tilian turin Sorkar chuan hma a lak mek thu a sawi a.  Hei hi ramsate leh mihringte inkara inpawhna tha zawk siamna tur leh mihringte'n ramsate nunchang chiang zawk a kan zir leh hriatthiam theihna atana ruahman a ni. 

Union Minister chuan ram chhung hmun hrang hrang a sahuan tichangtlung tur leh tihmasawn tura hmalakna hi kalpui mek anih thusawiin budget lo awm leh hmasa ber chhunga thun a ni dawn a ni a ti a.  Pu Javadekar chuan state sorkarte,  corporation-te,  sumdawngte leh mipuite chuan he ruahmanna hnuaiah hian mawhphurhma pawimawh tak an nei dawn a.  Hmalakna hi a puitlin hunah chuan a bik takin zirlaite leh naupangte leh thangtharte tan sahuan tlawh hi ramsa, nungcha leh mihringte inlaichinna leh chanchin zirna lam atan a hlawkthlak hle dawn a ni a ti. 

He hunah hian Pu Javadekar chuan CZA-TERI report "Economic valuation of ecosystem services,  National Zoological Park,  New Delhi" chu a tlangzarh bawk a.  Report hian mihringte hlimna leh hriselna tana ramsate chenna sahuan leh a dangte pawimawh dan tarlangin India rampumah hian hetiang a ramsate chenna hmun siamsak a tul thu a ziak lang a ni. 

Hetiang a zirchianna hi India ram mai pawh nilo khawvel huapa a vawikhatna a ni a.  Kum khat chhung a ecosystem services (biodiversity conservation,  employment generation,  carbon sequestration,  education leh research,  recreational leh cultural) economic value zawng zawng hi kum 2019-20 chhung khan vaibelchhe 423 vel ang a chhut a ni a; tum khat atana sahuanin carbon storage leh ram hlutna a siam service cost value pumpui hi vaibelchhe 55,000 ang vela chhut a ni (e-report).

Minister chuan CZA-Prani Mitra award te pawh a sem nghak a.  Hei hi ramsa khawi leh a enkawl hnathawktu zoo officer-te leh staff-te tihthathona atana buatsaih thin a ni a.  Award te hi category pali - Outstanding Director/Curator, Outstanding Veterinarian, Outstanding Biologist/Educationist leh Outstanding Animal keeper ah te thenin sem thin a ni. 

Virtual hmanga inkawmhona neihah hian Minister chuan ramsa leh ramngaw humhalh leh mihringte leh ramsate khawsak ho dan chungchanga ram chhung hmun hrang hrang atanga sikul zirlaite zawhna a chhang bawk a.  Kan rama ramsa hlu takte venhim leh humhalh kawngah hian kan zavaia kan thawhho vek a tul a ni a ti. 

CZA hi India ram sahuan kalpui annih dan enpui 

tura din a ni a.  Hei bakah hian ramsa humhalh pui tura  an awmna pangngai ni kherlo hmundang a enkawl lama hmalaknate an kalpui bawk a.  Tundinhmunah hian sahuan leh rescue center 160 vel chuan global standard angin ramsa kawlin an enkawl mek a. India rama sahuanahte hian ramsa chi hrang 567 chuang (chung zing a 114 chu endangered category a awm an ni) kawlin an zavaiin ramsa 56481 enkawl mek an ni. 

Dr. Sanjay Kumar,  DG (Forest) & Special Secretary, Ministry of Environment Forest & Climate Change (MoEFCC),  Pu Soumitra Dasgupta,  ADG (Wildlife), Dr SP Yadav,  ADG (Project Tiger)  leh Member Secretary CZA leh MoEF&CC a senior officer-te pawh he hunah hian an tel a ni.