COVID 19: Positive pariat hmuhchuah belh; Enkawl lai mi 291 awm mek

Aizawl | October 6, 2020: Mizoram-ah ni khat COVID 19 positive hmuh a nih loh hnuin nimin khan COVID19 positive thar 8 hmuhchhuah a ni.


Positive hmuhchhuah tharte hi ZMC aṭangin 4 leh TrueNAT hmanga hmuhchhuah pali te an ni. Rapid Antigen Test aṭangin positive hmuhchhuah an ni lo.

Tunah hian hri vei enkawllai mi 291 an awm mek a, dam tawh 1837 awmin, hri vei  hmuhchhuah tawh zawng zawng hi mi 2128 an ni. Hri vei hmuhchhuah tawh zingah hian mipa 1761 niin, Hmeichhia 367 an ni.

Hri vei tamna ber Aizawl district-ah mi 133 an awm a, Lunglei-ah 71, Lawngtlai-ah 39, Serchhip-ah 16, Kolasib-ah 15, Mamit-ah 11 leh Champhai-ah paruk an awm a ni.

Hri vei dam tawh tamna ber pawh Aizawl district tho niin mi 1251 an awm a, tlemna ber chu Khawzawl niin mi pali an ni.

Hnahthial, Khawzawl, Saitual leh Siaha district chu hri vei awm lohna district an ni mek a ni.

ZMC positive: Assam Rifles 3 & BSF 1, kum 30-55, quarantine lai, symptoms neilo

TrueNAT positive:

Kolasib dist: Mizo 2 leh Assam (Silchar) mi 1, mipa vek, kum 22-36, state pawn atanga lo kir, qf-a awm, symptoms neilo

Serchhip Dist: Mipa kum 21, Assam State mi, Thenzawla Tribeni Construction Ltd. a thawk, qf-a awm, symptoms nei lo.


ZMC-a sample test dan: Aizawl- 364

Truenat test zat: Kolasib- 35, Serchhip- 30, Lunglei- 13, Champhai- 6 leh Siaha- 5

RAgT test zat: Kolasib- 287, Aizawl- 60, Mamit- 30, Lunglei-17, Serchhip-15, Saitual- 5, Lawngtlai-4, Champhai-2

Post a Comment

0 Comments