IFMA Virtual Wolrd Championship-ah Mizo Pali

Aizawl | October 10, 2020: COVID-19 vanga tun kuma tournament a huaihawt theih tak loh vangin Khawvela Muaythai enkawltu pawl International Federation of MuayThai Associations (IFMA) chuan virtual world championship huaihawt a tum a, hetah hian Mizo pali an inlan ve dawn.

International Federation of MuayThai Associations (IFMA) virtual world championship hi October 20 aṭanga ṭan tur a ni.

Tournament-ah hian event pali a awm dawn a: waikru, shadow muay, maxfit (fitness) leh aerobic. Live-a online-a tournament hi neih tur a ni ang a, judge 3 in an endik zel dawn a ni.

Mi 7 lai event 8-a india aiawha tel tura selection paltlang turin MuayThai Association of Mizoram (MAM) chuan a thlang chhuak ve a, an video te theh luh a nih hnuah athlete pathum; RC Rohlupuia, Dinthar (-15 years Shadow Box), Lalngaihawma, Hunthar  (-17 years MaxFit) leh  K Lalramchhana, Dawrpui (+40 years, +75kgs MaxFit) te chu India ram aiawh tura thlan an ni ta a ni.

Anni bakah hian he world championship-a event pahnih Wai Kru leh Shadow Muay-a Referee hna thawk turin Samuel Lalrozâma, Dawrpui chu thlan a ni ve bawk. India aiawha Mizo tel turte hi takin MAM Technical Commission chuan training a pe nghal char char a ni.

IFMA hi International Olympic Committee pawm a nih vangin uluk taka virtual championship dan hi zam a ni a, India pawh United MuayThai Association - India (UMAI) kal tlangin theihtawpin a inpuahchah ve a, athlete 40 leh official 9 chu India aiawha tel turin IFMA chuan a rawn pawm a ni.