Civil Hospital-ah Naute kg 6 chuang piang


Aizawl | October 30, 2020: Vawiin chawhma khan Aizawl Civil Hospital-ah thil thleng khat tak mai thlengin mi ngaihven leh lawm a hlawh hle.

Hming nei lova leh a nu Ruthi rai lai thlalak

Vawiin khan Nau  lawm hlawh tak mai a piang a, he nau piang hi mipa niin Kg 6 leh gram 220 a rit niin, a lianin a duhawm hle a, ngaihven leh lawm a hlawh hle.

Nau piang hi hrin pangngaia hrin niin a nu hi Ruthi Lalhmangaihi Zawrkawt/Serchhip a ni.

Nau piang hi John Lalsangzuala leh Ruthi Lalhmangaihsangi te fa niin, an fa pangana a ni.

Nau piang duhawm chuan lawmtu a ngah

John Lalsangzuala te nupa hi Serchhip khua niin, Serchhip chhimveng mi an ni a, thudawnna in a tarlan danin, Jeizawnna avangin Aizawl Zarkawt-ah an cheng mek.

Ha nau piang hian u pali a nei tawh a, a u te hi Mipa pakhat leh Hmeichhia pathum an ni a, fa mipa an awh em em laia naute duhawm tak mai, Mipa kg 6.220 lai mai an hring hi an lawm hle a ni.


Nu leh pa chang an lawm lova, thenawm khawveng leh hmelhriat thiantha te pawhin an lawmpui em em a, WhatsApp lamah mi tam tak status a luah a. Hospital a thawktute lawm leh ngaihven pawh a hlawh hle niin thudawnna chuan a tarlang.


Thudawnna in a tarlan danin, tunhnai-a hetianga lian leh rit hi nau piang an awm lo nia hriat a  ni.

Naute hi blood sugar hniam deuh vangin vawiin tlai khan ICU ah dah nghal niin thu dawn a ni.

Naute nu Ruthi Lalhmangaihsangi dinhmun a tha nia thu dawn a ni a. Nau a pai lai pawh hian a nu hi a dul a lian hle a ni.

He nau piang duhawm tak hian social media a luah nasa hle a, lawmpuitu leh duhtu a ngah hle a ni.

Nau piang kg 4 aia rit hi fetal macrosomia baby an ti thin a, mi thiam ten an ngaihven thin hl a, kg 6 leh gram 220 zet a rit, hrin pangngai phei hi chu an ngaihven hle dawn tih a hriat theih.

Fa duhawm tak hringtu Ruthi Lalhmangaihsangi kan lawmpui a, dam taka damdawiin chhuahsan turin duhsakna kan hlan e.



Post a Comment

0 Comments