Sorkar laipui chuan Covid-19 hripui leng karah hian India rampum huapin labour welfare leh hnathawh tur siam kawngah nasa takin hma a la - Gangwar

• Sorkar laipuiin rawtna a siam zulzuiin Building & Other Construction Workers Cess Fund cheng vaibelchhe 5000 vel chu construction worker vaibelchhe 2 vel hnenah pekchhuah a ni a;  he sector hi migrant worker-te chhawr hnem ber ang a chhut a ni.
• Union Labour Ministry in helam buaipui bik tura a din Control Room 20 te hmalakna kaltlangin hnathawktu nuai 2 velte hlawh laktur tang cheng vaibelchhe 300 vel chu pekchhuah a ni.
• Financial package cheng vaibelchhe nuai 1.7 keng tel Pradhan Mantri Garib Kalyan Yojana chuan unorganised worker-te tiamin mirethei leh mamawhtu vaibelchhe 80 te chu wheat/buhfai kg 5 leh pulse kg 1 a thlawn a pek mek zel an ni.
• MGNAREGA hnuaia nikhat hlawh chu Rs. 182 atangin Rs.202 ah tihpun a ni.
• SVANidhi Scheme chu street vendor/kawngkam a inzuar thin mi nuai 50 velte'n an sumdawnna an chhunzawm leh theihna atan collateral ngailova  working capital loan kum khat chhung atan Rs. 10,000 thleng an lak theihna tura siam a ni.
• July thla khan State-te chu migrant worker-te hnathawh tur ngaihtuah sak leh an welfare atana ruahmanna siam lam buaipuitu tur nodal officer ruat tura hriattir an ni a; Sorkar scheme hrang hrang an chhawr tangkai theihna turin an data-te lakhawm tura tih an ni bawk.

September 16, 2020: Union Labour and Employment Minister Santosh Kumar Gangwar chuan vawiin khan "Sorkar laipui chuan Covid-19 hripui leng karah hian India rampum huapin migrant worker-te tiamin labour welfare leh hnathawh tur siam kawngah nasa takin hma a la a ni" a ti a;  hemi chungchang hi a hnuaia tarlan ang hian a sawi zau a ni: 

▶️Labour hi concurrent list a awm a ni a,  chuvang chuan State Sorkar leh Sorkar laipuiin hemi chungchang hi a legislate thei a. Chubakah chuan Migrant Labour Act tiamin Central Labour Act tam zawk hi State Sorkarin anmahni pual liau liauin an kalpui a ni.

▶️Migrant Labour Act provisions behchhanin migrant worker-te hian anmahni state sorkar hnuai teuhah an in register tur a ni a,  data hi State sorkarin a vawnthat tur a ni.  Chutihrualin COVID-19 vanga harsatna nasa tak kan hmachhawn avang hian Ministry of Labour & Employment chuan inkharkhip chhung khan mahni state a haw tur migrant worker-te data lakkhawm hna hi a thawk a.  State sorkar hrang hrang atanga information lakkhawm atanga a landanin COVID-19 hripui len chhung hian migrant worker mahni inlama haw vaibelchhe khat vel an awm a ni.

Labour Minister chuan inkharkhip chhung khan Migrant worker-te welfare atan hmalakna hrang hrang siam anih thu a sawi bawk a. 

▶️Inkharkhip anih hnu lawkah Ministry of Labour & Employment chuan State Sorkar/UT zawng zawngte chu Building & Other Construction Workers te Cess Fund chu chhawmdawlna ang a pechhuak turin a hriattir a. Migranr worker-te zing a a tam ber hi construction worker-te anni ang a chhut a ni a.  Vawiin ni thleng hian migrant worker vaibelchhe hnih velte chu state sorkarte'n an enkawl Building &  Other Construction Worker-te Cess Fund atangin an bank account ah direct in chhawmdawlna cheng vaibelchhe 5000 pek anni.

▶️Inkharkhip chhung a migrant workerte harsatna hmachhawn sutkianpui turin Ministry of Labour & Employment chuan India ram hmun hrang hrangah control room 20 a din a.  Inkharkhip chhung khan worker hnen atang hian complaint 15000 chuang dawn a ni a,  heng control room kaltlang a Ministry of Labour & Employment hmalakna avang hian worker nuai hnih chuangte chuan an hlawh la lakloh cheng vaibelchhe 295 vel an hmuh phah a ni. 

▶️Inkharkhip hnu khan financial package cheng vaibelchhe nuai 1.7 awmna Pradhan Mantri Garib Kalyan Yojana chu ramchhung a mirethei,  mamawhtu leh unorganised sector a worker-te chhawmdawlna atan siam a ni a.  He package hnuaiah hian mi vaibelchhe 80 te chu Wheat/buhfai Kg 5 leh dal Kg 1 a thlawn a pek tan an ni a.  Wheat/buhfai a thlawn a sem hi November 2020 thleng beneficiary-te tan hian kalpui chhunzawm tur a ni a.  Sorkar chuan  hripui len chhung leh hun harsa hnuaiah hian tumah eitur nei lova an awmlohna turin hetiang hian hma a la a ni. 

▶️ MGNAREGA hnuaia nikhat hlawh chu Rs. 182 atangin Rs. 202 ah tihpun a ni. 

▶️Sorkar chuan Agriculture, Fisheries leh Food Processing Sector te tan infrastructure Logistics,  Capacity Building leh Sorkar inrelbawlna thuam chak turin Administrative Reforms a puang bawk a ni.  

▶️Pu Gangwar chuan Sorkar laipui chuan kawngsir a inzuar thin street vendor nuai 50 te'n an sumdawnna an chhunzawm leh theihna atan PM SVANishi Scheme siamin he Scheme hnuaiah hian kum khat chhung atan Rs. 10,000/- thleng collateral ngai lovin working capital loan a lak theih a ni. 

▶️Anmahni chenna State a haw migrant worker-te'n hnathawh tur an neih theihna atan Mission Mode in district 116 ah Pradhan Mantri Garib Kalyan Rojgar Abhiyan chu kalpui a ni a.  He campaign hnuaiah hian rural infrastructure te chu migrant worker te chhawr siam a ni chho mek a,  hemi atan hian a zavaiin cheng vaibelchhe 50,000/- vel hman tura ruahman a ni a. Hetiang bawk hian migrant worker-te chhawrin kawng siam,  kawppui sial leh project dang tam tak chu Transport Ministry hnuaiah migrant worker-te hnathawh tur siamsakna atan kalpui mek a ni.

▶️Cheng vaibelchhe nuai 20 awmna financial package Aatma Nirbhar Bharat chu migrant worker-te, unorganized sector a thawkte hnathawh tur siamna atan leh MSME sector tihchangtlunna atan leh thingtlang economy tihchangtlunna lam ngaihtuah chung a hawn a ni a. Heng sector-te tan hian hmalakna tur kawng hrang hrang a tarlang a ni. 

▶️Worker-te chu an EPF account kaltlanga chhawmdawlna tlem a zawng tal pek annih theihna turin Ministry of Labour & Employment chuan Pradhan Mantri Garib Kalyan Yojana hnuaiah an EPF Account a provident fund an chhunluh zawng zawng atang a 75% chu  EPF member-te tan lakchhuah a phalsak a.  Vawiin ni thleng hian EPFO member te hian cheng vaibelchhe 39,000/- vel an lachhuak tawh a ni. 

▶️An hnathawh thinna State a migrant worker-te an kir leh theihna tura ruahmanna siamsakin Ministry of Labour & Employment chuan July ni 27, 2020 khan State Sorkar/ UT te hnenah Advisory Guidelines a lo pe tawh a.  He inkaihhruaina hnuaiah hian State/UT-te chu hnathawh tura an state a lo kal let leh migrant worker-te welfare ngaihtuah saka hmalakna hrang hrang siamtu tur State Level Nodal Officer ruat turin a hriattir a.  Hemi bakah hian an state chhuahsan leh an state luhna turah te migrant worker-te chu Ministry of Health & Family Welfare in kalphung a siam dan ang thlap a zawmin screening leh testing te hi tih tur a ni a.  State te chu in identify tiawlsam turin data base mumal tak buatsaih tur leh an welfare atana hmalakna siam turin a hriattir a.  He data hi Sorkar laipui social security scheme hrang hrang a inziahluhna atan pawh a tangkai dawn a ni. 

******

- PIB Aizawl