FEATURING: Mizo Zaithiam leh Hla phuahthiam Rpa Ralte

Zaithiam leh Hla phuahthiam Rpa Ralte kan belchiang.


 

Mizo zaithiam leh hla phuahthiam Rpa Ralte  tia hriatlar hi a lai-ah hming chu Lalrinpuia Ralte niin, R Lianzuala leh Vanlalngaii inkarah April 11, 1986 khan a lo piang a. Hunthar Veng, Company peng Aizawl-ah chengin an khawsa a ni.






A post shared by Rpa Ralte (@rparaltemusic) on



An unau hi Mipa pahnih leh Hmeichhe pakhat niin, a naupang ber a ni.




Rpa Ralte  hian 2004  khan HL Mizo Secondary School, Shillong atangin Pawl 10 a pass a, Class 12 atanga BA hi kum 2006 atanga 2010 chhung khan Shillong College, Shillong atangin a zo bawk a ni.

Rpa Ralte hian Music video pathum tichhuak tawhin, Album hi pakhat a tichhuak tawh bawk a ni.

Award dawn tawhte:
  • Best New Artist (Mizo Rimawi Award 2017)
  • Best Music Video (Mizo Rimawi Award 2017)

'Tu dang ka ngai tawh lo'ng' lo chhuah dan:
- He hla hi mi dang sak atana ka phuah a ni a. Mahse, ka phuah sak hian min bengkhawn vak loh takah chuan hla tha vak lo ah ka ngai a ka dah tha ta mai mai a. Chuti chuan hun rei fe a liam hnu chuan, gospel singer Hmingtea Chhangte hi ka ngaihthlak tir a. Ani beng fing chuan a hla potential chu  alo hre nghal mai a. A duh em em a, sak ah min dil a. Kei chuan ka lo phal sak ve leh mai a. Ama key tur in a track te chu ka tih san sak a. Mahse, kan ngaihthlak kan ngaihthlak hnu chuan keima sak tur tak ni in ka hre leh ta a. Hmingtea hnen ah pawh chuan ka hrilh leh mai a, keima sak zawk tur a niin ka hria ka va ti leh a. Ani chuan alo remti ve leh mai a. Chumi hnu chuan, audio chu youtube ah ka upload a. Rin ai takin mite chuan an lo duh ta viau mai a. Hemi hun lai hian Mizo ah Electronic Dance Music hi mainstream a lar pakhat mah ala awm lo ti ila ka sawi sual em lo ang chu maw. EDM kan tih hian, hla a thunawn zawh a music solo (Drop) awm hi Mizo hla ah hian ala awm vak lo ka tih na ania. He hla ah hi chuan a drop lai hi a pawimawh lai ber ani hial awm e. He tiang hla anih vang hian, a lar hi ka ring lo ltk a. Chhan chu mi in ngai a an la neih loh music anih vang in. Chuti chuan audio chu alo lar ta a. Mizo movie 'Scooty' siam tu te khan min lo bia a, an film ah OST ah an duh thu min lo hrilh a. Ka lawm em2 a ka lo phal a. Mahse movie siam chhung hi a rei avang in, movie an siam zawh kha chuan youtube ah alo lar hman ta viau mai a. Ka inthlahrung chuan, in hman duh leh loh chuan a pawi miah lo ania ka va ti a. Chuan movie ah chuan kan hmang leh ta loa. Thil kal dan zawng zawng ka thlir let hian keima hla sak tur dik tak alo ni anih hi ka ti thin. Chuan he hla lo lar tak tak na kha chu Mizo Dance Camp in dance cover an lo siam a tang khan ani a. Mizo hla zawng zawng a youtube million views hmu hmasa ber a lo ni ta hial anih kha!
Fun facts, he hla a ka vocal hi mic ni loin Samsung phone man tlawm deuh a ka record ania. Chhan chu demo ka siamna mai mai kha a ni a. Mahse, kha audio kha final mix ah pawh khan ka hmang ta mai a. He hla lo duh ve tu zawng zawng chungah lawmthu ka sawi e. He hla hi ka career intanna a ni a. A hla hi minute 15 chhung lek a ka phuah zawh vek a ni a. Music hi chu hun rei tak ka siam leh thung si. Chu ti chu ni mai teh se.



A duhzawng leh ngainat zawngte:
Rawng - Var.
Chawhmeh  - Mizo chawhmeh
Incheina - Casual.
Rimawi – Pop, EDM, Rock.
Mizo Ziaktu zingah - Mafaa.
Hla- Zoawi Lelte.
Hla phuahtu - Zirsangzela Hnamte.
Designer - Nene LR Hnamte & Buanga Chhangte.
Musician - Hmingpuia.


 

Mize ngainat zawng: Ngilnei, Chapo lo, Mi zawng2 level khat vek a en thei.

Mize ngai nat loh zawng - Chapo, Nunrawng.

Hobby- Movie en, hla phuah, zin, music produce.

Relationship status - Married.


 

Kawppui hming: Bambi Laldinpuii,
2015 khan innei a, Fanu pakhat Lalhruaizeli Ralte an nei a, tunah hian kum li ni tawhin, an fa pahnihna utr October thla hian an beisei mek.




Zawhna dang:
1. A tel lova i awm theih loh: Internet.

2. I nun kaihruaitu: Christianity.

3. Hringnuna i hlauh ber: Ka ko a tla hlen chhuah theih loh.

4. I tih ngai miah loh tur: Football khelh.

5. Mizo Tualzal nuna ṭha i tih: Tlawmngaihna.

6.  Quote i duh ber: 
- Miin i chunga ti tur a i duh tur ang bawkin mi chungah pawh ti ve rawh.


 

7. Mizoram leh Mizo tualzal nuna Mizo hmeichhiate dinhmun: 
- Hna an thawk rim em2 a, nimahsela an phutawk appreciation an dawng lo.

8. Hnam dang nupui pasal neih hi? 
- Mimal duh thlannaa innghat-ah ka ngai.

9. Mizote tan 'Fa neih tlem' inzirtir hi a ṭulin i hria em? 
- A mamawh hnenah chuan zirtir a tulin ka hria.

10. Khawtlang, Kohhran leh nangmah:
- Ka fate naupan deuh lai hi chuan khawtlang a inhman vak loh a, ka chhungkua uap that hi ka duh ber a. Kohhran-ah hi chuan ka theihtawp a inhman ka duh.


 

11. Social Media leh Nangmah:
- Ka music promote nan hi chuan ka hmang tangkai em em a, mahse hun khawhral na thalo tak chu a ni vein ka hria.

12. Mizoram ṭhalai tam tak tlakchham: 
- Taimakna tluan tling hi kan tlachham fo in ka hria.

13. Mizo ṭhalaite hian ngaihsan tur dik an ngaisangin i hria em?
Ngaihsan tur dik tak hi kan ngaisang lo fo in ka hria.

14. Ngaihsan tur dik nia i hriat: Thawhrimna dik tak atang a lo ding chhuak te.

15. Hlawhtlinna tura pawimawh: Taimakna ziktluak.

16. I nuna hloh i hlauh ber: Ka chhungkua.

17. Zofate inpumkhatna hi a tak a thlen theih i ring em?
-  Ring e.


 

Thalaite hnena chah duh:
- Quality education neih tum a, mahni kut ke a din chhuah tumna rilru neih a. Nu leh pa leh sorkar ringawt a in nghah loh theih dan ngaihtuah turin thalaite hi ka chah duh ani.


EXPLOREMIZORAM.COM i hmuh dan:
- Thangtharte tan media tangkai tak a ni, a hlutna hi alo la lang chhuak tulh tulh dawnin ka hria.


H Zate
Founder/Editor
Explore Mizoram

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

 



(Website leh a hnuaia fakna hi lo hmet ve rawh.)

Post a Comment

0 Comments