COVID 19: Positive 26 hmuhchhuah belh; enkawl lai mi 567 awm mek!

Aizawl | September 17, 2020: Nimin khan Mizoram-ah COVID19 positive thar 26 hmuhchhuah a ni. Tun-ah hian hri vei enkawl lai hi mi 567 an awm mek a ni.
Nimin khan sample 1200 chuang test niin heng zinga 26 hi a positive ta a ni.

Hetihlai hian nimin khan COVID-19 vei enkawlna hmun atangin dam tawh mi 17 ; Thingdawl CCC atangin 10, Beraw CCC atangin 4, Kolasib CCC atangin 2 leh  Chhiahtlang CCC atangin mi 1 te chhuahtir an ni.

Nimina positive hmuhchhuah tharte te ZMC atangin 13, Rapid Antigen Test atangin 10 leh TrueNAT hmangin mi pathum an ni.

ZMC RT-PCR positive 13 te hi tualchhung atanga hri kai vek niin, travel history neilo vek an ni. Mipa panga leh Hmeichhia pariat an ni.
Hri vei hmuhchhuah tharte hi Ramhlun Venglai mi mipa kum 30 mi NHM staff kaina hriat a la ni rihlo, Upper Republic hmeichhia kum 31, NHM staff, kaina hriat a la ni rihlo. Chhinga Veng mi mipa pakhat & hmeichhia pakhat kum 47 leh 43 niin positive contact atanga kai an ni a, Armed Veng mipa 1 & hmeichhia 4 kum 38 atanga 55 inkar positive contact atanga kai, Venghlui mi hmeichhia pakhat kum 54 a upa positive contact atanga kai, Armed Veng South mi mipa leh hmeichhia, kum 45 leh kum 26 positive contact atanga kai leh Falkland mi mipa pakhat kum 25 a upa positive contact atanga kai te an ni.

RAgT positive te hi Bawngkawn South ami nupa kum 38 & 40 leh an fa kum 5 mi Positive contact atanga kai, Bawngkawn mi chhungkaw member pali k-83, 36, 10 leh 7 te niin positive contact atanga kai an ni a. Chanmari ami Kolkata atanga lo haw  Lengpui Airport-a hmuhchhuah leh Serchhip district ami BSF pahnih k-29 leh 42 State pawn atanga lo kir khunghran mek te an ni.

TrueNAT positive te hi Lunglei mi  BSF pakhat kum 30 a upa quarantine facility awm lai, Serchhip mi mipa pakhat kum 20 a upa State pawn mi quarantine centre awm lai leh Hnahthial ami mipa pakhat kum 40 a upa Jharkhand atanga lo kal quarantine centre awm laite an ni.

Nimin khan sample 1,266 test niin, ZMC ah sample 796 test a ni a, Aizawl district mi 795 leh Lawngtlai district mi pakhat test a ni a.


TrueNAT khawl hmangin sample 125 test niin, Kolasib 40, Lunglei 37, Serchhip 30, Hnahthial 8, Mamit 7 leh Lawngtlai 3 te test an ni.

Rapid Antigen Test hmangin sample 345 test a ni a, Kolasib 268, Serchhip-34, Aizawl -25, Lunglei -12, Mamit-4 leh Champhai leh Saitual pakhat ve ve endik an ni.


Hri vei hmuhchhuah tawh zawng zawng hi mi 1506 niin, mipa 1232 an ni a, Hmeichhia 274 an ni. hri vei enkawl lai mi 567 awmin, dam tawh mi 939 an ni.

Hri vei hi Aizawl district-ah tam berin mi 488 an awm a, kolasib in dawtin 22 an awm a, Lunglei leh Serchhip-ah mi 12 ve ve an awm a, mamt-ah 11 awmin, Saitual-ah mi pasarih an awm a, Lawngtlai leh Hnahthial-ah mi panga ve ve an awm a, Siaha-ah pali awmin, Champhai ah mi pahnih leh Khawzawl-ah mi pakhat an awm bawk  ani.

Hri vei dam tawh tamna ber chu Aizawl niin mi 519 an awm a, a tlemna ber chu Khawzawl niin pathum an awm a. Hnahthial district chu hri vei dam la awm miah lohna district an ni mek a ni.



(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

0 Comments