INDIA PARLIAMENT BUILDING THAR TUR CHU

Sept 16, 2020: Tuna Parliament building hman lai mek hi a hmun ngai ni lo, a bul hnaiah hian a thar sak tura ruahman a ni. He project hian Parliament Building leh a chhehvel a huam a ni. Parliament building thar  ruahmanah chuan India national emblem chu  new Parliament building chungah a awm tur thu 'design iteration' buatsaihtu lam chuan sawiin a sakna tender chhuah turin ruahmanna pawh  an peih hnai tawh a, tuna Parliament Building hman mek nen hian a inang lo ang, tih thu an sawi.

 

Housing and Urban Affairs Ministry official sawi dan chuan a building ruangam leh state chhinchhiahna (the design with the state emblem) te chu peih fel a ni tawh a, a sak hna thawk tura tender chhuah mai theih a nih tawh thu hriat a ni. 

HCP Design Planning and Management Private Limited chu Parliament Building thar ruangam din tura tih an nih bakah Parliament chhehvel, Delhi *Central Vista* lai chei țhat leh sawi danglam hret hi a tel a ni. 

Central Vista
_Indian National Trust for Art and Cultural Heritage (INTACH) in a sawi fiah dan chuan Central Vista hian Rajpath Road (Kingway) ațanga Rastrapati Bhavan, Raisina Hill panna kawng, Secretariat Buildings - North & South block leh Princess Park, Vijay Chowk lai vel hi a ni_. 

Parliament building thar tur hi Mizo chhiar dana chhawng thum (ground plus two-storey) kil thum nei, a pian hmang sawl deuh tura duan a ni. Parliament fur țhut khawm tuna neih lai mek hi a zawh chuan hna thawh țan nghal mai beisei a nih thu architecture firm thu puangtu chuan a sawi. A building ruangam (design) pawh hi hna thawk tura engkim peih fel vek anih hunah thu tawp siam a ni ang, tih thu an sawi bawk. 

Thla hmasa lam khan Sorkar chuan Parliament Building complex thar satu atan hian hming pathum a sawr zim tawhin Construction company Mumbai khawpuia awm hmun khuar an ni hlawm a, Larsen & Toubro, Tata Projects leh Shapoorji Pallonji  Company te an ni. Heng company te hi  financial bids an theh luh ațanga tling an ni. Official te sawi dan chuan heng thil theh luh ngai zawng zawng te hi September 16 hmaa theh luh hman tur a ni.

“Project report leh construction drawings te hi peih fel thaw khat leh siam rem leh mek a ni,” tih thu HCP firm chuan a sawi. 

Indian national emblem  hi  Sarnath hmuna Lion Capital of Ashoka a mi ang, dungzuia duan a ni a, he lung ker mawi tak hi  250 BC  vela Ashoka rorel lai ami tawh a ni a, sakeibaknei pali țhu khawm, inhnung chhawn vek leh an hawi zawng inang lo vek chu  Ashoka pillar chhipah a awm a, hemi dungzui hi National Emblem atan hman a ni.



Constitution of India, January 26, 1950 a pawm a nih khan Askoka pillar ami ang, sakeibaknei pathum inhawi tawn lo, hma lam ațanga hmai hnih lang chu National Emblem atan pawm a ni. 

Parliament building  thar tur hi a zauh zawng chu square  metres 60,000 approx a ni ang. Parliament House Estate plot number 118 naah sak a ni ang, he lai hmunah hian tunah hian khual chhawnna vel atan hman temporary building a awm mek a ni.

Parliament Building complex hian office 120 a keng tel ang a, luhna hmun 6 ah a awm bawk ang. 

Rajya Sabha leh  Lok Sabha chamber hi tuna mi aia lian zawk tura duan a ni, Lok Sabha chamber hi MP 1,350 te țhut theihna tura duan a ni a, joint sessions pawh dawl zo nghal tur a ni . Public gallery ah hian mihring țhutna  336 a awm bawk ang. Tuna  Parliament building hman mek hi kum 90  chuang ni tawhin British hunlaia sak a ni.

 

Vista project - Parliament building complex sak hna hi kum 2022 a zo hman tura beisei a ni a, mahse hri pui len avang leh kharkhip avang hian sak zawh hun tura ruahman tawh sa hi a ti buai a, a ti khaw tlai hret ang, tih thu official te chuan an sawi. 

Central Vista sak țhat leh chei bawl hna hi hri pui leng kara sum tam tak sen a ngaih dawn avangin eptu pawl lam chuan an sawiselin tun dinhmuna tih rih loh an duh thu an sawi a ni. 

Parliament building complex leh Central Vista  project hi Rs. 20,000 crore nia hriat a ni. 

Source:
Hindustan Times
September 16, 2020
@ 05:09 IST

====16==09==20 ==
Huna Kawlvawm

Post a Comment

0 Comments