Mizoram-ah mi rethei sorkar aia VIP sorkar kan nei hi vanduaithlak - BJP Mizoram

Aizawl | September 16, 2020: Mizoram Sorkarin September 15-a thuchhuah hmang aVIP te tana CCC (Covid Care Center) hm nhmawh taka an siam chu BJP Mizoram Pradesh chuan thuchhuah siamin thalo an tih thu an tarlang a. "Mirethei Sorkar aia VIP Sorkar kan nei hi vanduaithlak kan ti tak zet a ni." an ti.



BJP Mizoram Pradesh chuan, "BJP Central Sorkarin “VIP Culture” a tihbo mek laia, Mizoram sorkar-in VIP a la duhsak uchuak fal hle." an ti a.

"Dr BD Chakma, MLA pawh a positive a, ZMC ah an dah laiin Health Secretary H Lalengmawia chu nuamsa takin a inah an la awmtir a, hleih nei Sorkar Mizoram in kan hrawn hi a vanduaithlak kan ti," an ti bawk.

Tunah VIP an han positive ṭan a, New MLA Hostel chu CCC atan Sorkarin a buatsaih sak nghal te chu mahni inhmangaihtute tih awm tawk ah BJP Mizoram chuan an ngaih thu sawiin, India ram MP tamtak leh Home Minister meuh pawh Covid 19 positive an nih khan hospital pangngai-ah an dah mai a ni a. Chuvangin, keini Chawmhlawm State te tan a VIP te duhsakna uchuak tak heng hripui leng kar a an han siam leh tur hian sum tam tak tul lo ah a luanral phah dawn avangin, Mizoram Sorkar hian Mipui te hmakhua ngaiin VIP bik tana CCC siam an tum chu thulh leh turin BJP Mizoram Pradesh chuan kan ngen a ni' an ti bawk.

COVID-19 test man to uchuak tak pawh hi BJP Mizoram chuan tha ti lovin, State dang pawhin cheng 1500 a an tih theih laia keini ram rethei zawkin cheng 4500 vel lai chawi a ngai pawh hi Sorkar hian ngaihtuah nawn leh se, man tlawm zawka mipui ten an chhawr theih turin ruahmanna thar siam se tiin sawrkar an ngen bawk.

Post a Comment

0 Comments