PIB Aizawl-in 3rd Poshan Abhiyan Month denchhenin webinar a buatsaih; 'Poshan Abhiyaan' hian hmeichhia leh naupang hriselna lam ngaihvenna a tichak

Aizawl | September 16, 2020: Chaw tha tlakchham leh retheihna tireh turin khua leh tui zawng zawngte'n chawtha an ei theihna tura helama hmalakna leh inzirtirna hi thil tul tak a ni a. Poshan Abhiyaan hi ramchhung a hmeichhiate leh naupangte zinga malnutrition titawp tura hmalakna a ni a.  He thu vawiin a Press Information Bureau leh Field Outreach Bureau,  Aizawl te'n "Third Nutrition Month: An all-out drive against malnutrition" tih thupui hmang a webinar an buatsaihah sawilan a ni.


He hunah hian thusawiin Pu Michael Lalhriatpuia,  Consultant,  Poshan Abhiyaan, Women & Child Development,  Government of Mizoram chuan Poshan Abhiyaan hi kum 2018 khan Prime Minister Pu Narendra Modi-a'n a hawn anih thusawiin mipui movement ang a kalpui chu a duhthusam a ni a ti a.  Sorkar chuan  inhrilh hriatna tha zawk a awm theihna tur leh nasa zawk a ngaihven a hlawh theihna turin kum tin thla khat chhung hemi pual hian hun hman nise tiin thuthlukna a siam a ni a ti a.  Kumin hian campaign hi electronic media leh social media hmang a kalpui anih thusawiin an tum ber chu beneficiary maltinte thlen phak a ni a ti. 
Shri Michael gave a detailed briefing on the ongoing campaign of the Poshan Abhiyan in Mizoram. He said that the Women and Child Development Ministry has stressed on setting up of nutri-gardens or poshan vatika in each anganwadi to create sources of supplementary nutrition. 
Pu Michael-a chuan Mizoram a Poshan Abhiyan campaign kalpui mek anih dan kimchang taka sawiin Women and Child Development Ministry chuan Anganwadi tinte tan eitur tha an lakna hnar atan nutri-gardens/poshan vatika din a ngai pawimawh hle a ni a ti. 
Inlawmna thusawiin Pu Abhishek Dayal,  Director,  Press Information Bureau,  Imphal chuan 3rd Rashtriya Poshan Maah (National Nutrition Month vawi 3-na)  chu Covid19 hripui leng leh ei leh bar lam dinhmun tlahniam karah tun thla chhung hian rampumpuiah hman mek anih thusawiin kan tundinhmun harsa tak hian ramchhung hmun tam takah a bikin hmeichhia leh naupangte zinga malnutrition vanga harsatna awm thin hi a takin min hmuhfiah tir leh zual a ni a ti. 
Lawm thusawina hun hmangin Pu Shariq Noor,  Assistant Director, PIB Aizawl chuan he Poshan Abhiyan hi Prime Minister Pu Narendra Modi chuan eitur tha eiloh vanga harsatna awm thinte sukiang tura hmalakna atana a hawn anih thusawiin nasa zawka mipuite hnena zirtirna pek leh hemi kawnga awmze neia hmalak hi Panchyats tiamin tualchhung thuneitute mawhphurhna pawh a ni a ti a.  Campaign kaltlang a eitur tha ei pawimawhna mipuite hnena zirtir hnathawk tur hian Chanchinbu mite chu mithiamte leh official-te thawhpui turin a sawm a ni

He webinar-ah hian North East Zone, Ministry of Information and Broadcasting,  Chanchinbu mite leh State sorkar official 40 chuang an tel a ni. 
***- PIB Aizawl

Post a Comment

0 Comments