Aizawl | September 5, 2020: Nimin piah zana Saizawh West a Chakma tlangval ten Mizo pakhat kut an thlak rawn chungchangah chak taka hma lak zui a ni a, kutthlaktu nia puhte man an ni tawh.
MZP chuan he thil thleng hi an hriat hnuin MZP Gen Hqrs Aizawl leh MZP Hqrs Lunglei hruaitu mi engemawzatin Chawngte pan nghalin vawiin khan Chawngte C ah Chakma pawn chhuah an khap a, a hlawhtling hle niin thu dawn a ni.
Saizawh West tlangval Chakma kuttuartu hnenah hian amah kutthlaktu Chakma tlangval rual chhungte chuan ngaihdam dilna'n Rs 50,000 an hlan a. Chakma Autonomous District Council-a an CEM pawhin thupha chawi nan Rs 50,000 an pek ve leh tur thu a sawi.
Hetihlai hian Central Young Chakma Association (CYCA) chuan vawiin tlai khan thupha chawina an tichhuak a. September 3, 2020 a Chakma thalai rualin Mizopa kut an thlak rawn chungchangah kut tuartu leh an chhungkua bakah Saizawh W khua leh Mizo mipuite lakah thupha chawiin pawi an ti tak zet tih an sawi a. Hetiang thil duhawmlo hi a thlen nawn tawh loh nan theihtawp chhuah an tum thu leh Social Media lamah pawh hnam leh hnam ang zawnga inchuktuahna thu post tawh loh nise an duh thu an Press Statement ah an tarlang.
- Lunglei Chanchinthar
Post a Comment
He post chungchanga i ngaihdan lo sawi ve rawh: