JIO in lunglei-ah free wifi pechhuak

Aizawl | September 5, 2020: Telecom company thangduang tak Khawvela mi hausa ber 6-na ni mek Mukesh Ambani a company Reliance Jio chuan Lunglei khawpuia a hmasa ber atan an tower awmna bul vela mite tan free wifi an pechhuak tan.


JIO hian a vawikhat nan MJA Building, Bazarveng chunga Jio Tower (Rooftop Pole) chuan wifi pechhuakin MJA building atanga BCM Biak In Bazarveng lam hawia mtr 100 huam chhunga awm ten he free wifi hi an hmang thei dawn a ni.

Free Wifi hmang tur hian Jio Sim hman a ngai a. Jio Free wifi hmang tur hian Wifi scan a, Jio Private Net tih lo awm-ah connect mai tur a ni.

Reliance Jio hian a pahnihna atan Venglai tower ah free wifi an dah leh dawn nia thu dawn a ni a, plan awm dan a zirin Tower awmna bul vel amite chhawr theih turin free wifi hi pekchhuak zel an tum a ni.

 

Reliance Jio hian chhim lama connection changtlung zawk nei turin hma an la mek a. Fiber chat vanga buaina ti reh turin P&E Deptt nen OPGW hmang turin agreement an ziak fel tawh a, buaipui mek a ni. 

Tin, Lunglei khawpuiah internet chak chi Fiber to the Home pechhuak turin tunah hian hmala mekin, kum tawp lamah pekchhuah hman an tum a ni.

Thudawnna in a tarlan zel danin, JIO chuan Lunglei veng hrang hrang leh khaw danga Jio chak lohna te fang chhuakin coverage tha ber pe thei turin tower leh signal semdarhna khawl hrang hrang bunin tuhnai hian hma an la mek bawk a ni.

With Input from - Gilbert Renthlei

Post a Comment

He post chungchanga i ngaihdan lo sawi ve rawh:

Previous Post Next Post