RG Stadium chu Khelo India hnuaiah State Centre of Excellence 8 zinga pakhat ni tura hlankai a ni dawn

September 15, 2020: Aizawl a Rajiv Gandhi Stadium chu  Sports Authority of India flagship talent identification and nurturing programme, Khelo India hnuaia Khelo India State Centre of Excellence (KISCE)  8 zinga pakhat ni tura puan a ni a.  Aizawl a Rajiv Gandhi Stadium hi kum li chhungin cheng vaibelchhe 11.52 hmangin thuam changtlun a ni dawn a ni.

Hmalakna hi infrastructure tihchangtlunte,  sports science centre din ang zawngte a kalpui anih dawn bakah coach tha dahte leh sports science human resources,  entirnan Physiotherapist-te,  strength leh conditioning expert-te dah an ni dawn a.  Infiam mite chu equipment tha leh changtlungte pek an ni ang a.  Academy hian sports science input quality tha leh performance management vil turin High performance Manager a nei bawk dawn a ni. 

Sports Ministry chuan State leh UT a sporting infrastructure awmsate chu State leh UT te nena tangkawpin tihchangtlun hna a thawk mek a; KISCE hi ramchhung a infiamna leh infiammite tana hmasawnna boruak tha a awm theihna atan a ruahman a.  KISCE hi  Olympic sport 14 tan  sports-specific support atan hman a ni nghal ang a,  State / UT tinte chu infiamna chi 3 atan support pek theih zawng zawng pek an ni dawn a. A thawkhatna angin KISCE 8 thlanchhuah a ni a,  chung zingah chuan  Aizawl pawh hi a tel a ni. KISCE dang hi Arunachal Pradesh, Telengana,  Manipur, Odisha,  Karnataka leh Kerala ah te din a ni ang.  

KISCE atana thuthlukna siam chungchang hi sawiin Union Minister of Youth Affairs and Sports Pu Kiren Rijiju chuan,  "Heng Khelo India State Center of Excellence te hi sports lama hmasawnna a awm theihna atan leh  Olympics atana India ram inbuatsaihna a ni a.  Heng center changtlung leh changkang takte hmang hian infiammite chu training tha ber pek an ni thei dawn a,  an inthlurbingna tur bik infiamnaahte ram chhunga infiammite tana facility thaber ni tura buatsaih an ni dawn a.  Tuna kan hmalakna avang hian kum 2028 Olympics ah chuan India ram hi a che tha zual 10 zingah a tel phak ngei ka ring tlat a ni" a ti. 

KISCE din hian zau zawka infiammi talent nei thate zawnchhuah kawngah a pui thei dawn bawk a.  State leh UT te chuan funding an hmuhna sport ah te talent nei tha zawnchhuah leh tihhmasawn hna an thawk dawn bawk a. Thawhpui annih angin Sports Authority of India chuan kawng hrang hrang - sports science back-up,  coach-te leh support staff rawih,  sports hmanraw lakkhawm leh a dang atan a sumin tanpuina an pe dawn a.  State chuan innghahna tur,  chenna tur,  maintenance,  infrastructure tihchangtlun leh a center enkawl hna an thawk thung ang a.  A tul angin SAI chuan technical expertise leh assistance an pe ang a, regular a vil hnathawkin infiam mite chu international standard a training pek annih leh nihlohah mawh lain an enkawl dawn a ni.

- PIB Aizawl