COVID 19: Positive 12 hmuhchhuah belh; Sample 1500 chuang test!

Aizawl | September 16, 2020: Nimin khan Mizoram-ah COVID-19 positive thar 12 hmuhchhuah a ni a. Heti hian hri vei enkawl mek mi 558 an awm mek a ni.

Nimina hri vei hmuhchhuah tharte hi ZMC RT-PCR khawl atangin mi pali, Rapid Antigen Test hmangin mi paruk leh TrueNAT khawl hmangin mi pahnih hmuhchhuah an ni.

ZMC RT-PCR atanga positive te hi Bethlehem Vengthlang mi mipa, k-33, sample collection team member, Bawngkawn mi hmeichhia, k-31, sample collection team member, Hlimen mi mipa, k-25, sample collection team member leh Chawnpui mi hmeichhia k-54, Health Dept. official, positive contact atanga kai a ni.

RAgT positive te hi Kolasib  district atanga hmuh mipa pahnih, state pawn mi, truck driver/handyman, Bairabi entry point a hmuhchhuah leh Serchhip district mipa 4, kum 31-53, State pawn atanga lo kir, BSF mi leh sa an ni.

TrueNAT positive hi Mamit atangin mipa kum 36, State pawn atanga lo haw, quarantine centre awm lai, symptoms nei lo leh Serchhip atangin mipa kum 34, State pawn atanga lo haw, quarantine centre awm lai, symptoms nei lo an ni.

Nimina Mizoram puma test zat hi mi 1,577 an ni a.  ZMC a endik tam berin Aizawl district a mi sample 1158 endik an ni.

TrueNAT khawl hmangin sample 126 endik niin, Lunglei - 36, Siaha - 4, Champhai -9, Kolasib -29, Hnahthial -2, Serchhip-5, Lawngtlai-20 leh  Mamit-21 te endik a ni.

Rapid Antigen Test hmangin mi 293 endik an  ni a, Aizawl district atangin mi 57, Lunglei atangin 5, Hnahthial-4, Champhai -3, Kolasib -187, Khawzawl -1 leh Serchhip-36 te a ni.

Nimin khan mi pathum ITI CCC atangin dam takin an chhuak a ni.

Hri vei hmuhchhuah tawh zawng zawng hi mi 1480 niin, dam tawh mi 922 an ni a, enkawl lai mi 558 an awm mek a ni.

Editor's Note:
COVID 19 sample test result i hriat apiang hian a phena thawktute thawhrimna theihnghilh ngai suh.
Sample la turin hmun hla tak tak an pan a, zan rei tak tak thleng Laboratory-a test lo buaipuitute nen. Hetiang thawktute hi tunhmaa an tangkaina kan varpawh loh Laboratory Technician tia i hriat thinte kha an ni.
Lo fimkhur la, lo him zel rawh.

Laboratory Technician  te chungchang i chhiar a tan kan dah e.

(Kai thar hmuhchhuah a tlem zel a, dam chhuak an pun zel chuan Kristiante hunpui krismas hi hlim takin kan inkhawm ve thei mahna!)