CHINA LEH GERMANY INZAWMNA A NGHING, GERMANY CHUAN NEW GUIDELINES THAR INDIA-PACIFIC LAM A HAWI TA

Sept 15, 2020: Germany chuan mipui thlan ram rorelna (democratic countries)  nei, India-Pacific bial chhunga awm ram nena inzawmna leh thawhhona nghet zawk neih chu China nena rual lo taka nghawngkawl bah dun reng ai chuan a duh zawk tih a thlang fel ta a, he thil a thlan na chhan chu 'dan zahawmna' chawi san a duh vang a ni. Hei hian Germany leh China ram  inlaichinna chungchangah nghawng lian tak (major diplomatic blow) a ni ngei nghal ngei dawn a, China tan chuan thu lawmawm loh tak leh thinrim thlak tak a ni ang.

India-Pacific  leh Germany ram inkar hi Europe ram ten China ram chu mihring dikna nasa taka bawhchhiaa an puh avang leh sumdawnna kawngah pawh Asian ram tea innghat anih avangin, Germany ram leh heng ram te an inkar boruak a țha lo hle tih thu ANI (Asian News International) in  _Nikkei Asian Review_ thu chhuah a sawi chhawn dan chu a ni. Sumdawnna thil avangin Germany hi thuk takin China nen inzawmna țha an nei a. Chu an inzawmna hrui chuan mawih leh rawih lam a pan ta a ni.

India leh China ram hi thla engemaw zat chhung chu Eastern Ladakh ram ri-ah inepin an boruak a sosang hle a  ni. Vawi tam tak buaina tidai tur hian ram pahnih te hi inbe țhin mahse inremna țha leh tluan tling leh  beiseiawm tak a la awm hlei thei rih lo a ni.

“Khawvel awm dan leh nih phung hi her danglam kan duh a, chu chu "dan țha leh khawvel pum thawhhona țhaa innghat" a ni tur a ni; in pawng nek leh tharum chakna hmanna  a ni tur a ni lo. Chu mi avang chuan mipui thlan rorelna leh zalen duhna ram te nena thawhhona țha neih hi kan duh dan a ni," tih  German Foreign Minister Maas chuan  September 2, 2020 khan a sawi tih  ANI report chuan a tar lang.

He report hian a sawi dan chuan, German hian India-Pacific ram te nen inkungkaihna thar (new guidelines with regards to India-Pacific) a pawm a, he in kaihhruaina hian tum leh a duh chu, dan ngaih pawimawhna ram te nen thawhhona țha neih leh inhawng tlang taka sumdawnho a ni.

He thu tlukna leh kalphung duan thar hi chak takin heng ram India, Japan, Australia leh ASEAN ram te chuan țha tiin an thlawp nghal a ni.

Report in a sawi zel dan chuan China hian Germany nena inlaichinna țha tak an neih chu nuam a ti hle a. Hemi avang hian  German Chancellor Angela Merkel pawh hian nuam a ti hle bawk a, kum tin  China ram hi a tlawh deuh ziah țhin a ni. China hian Germany in Asia-Pacific sumdawnna thil ah hian 50% vel lai hlawkna a lo tel hial reng a ni. 

Hetiang hi nimahse, Germany chuan a hawi zawng thlak turin thu tlukna a siam ta a, China laka a rilru put hmang pawh thlakin Germany chu China laka nem țhin chu, China lakah rilru khauh leh rilru danglam a pu dawn ta a ni , hei hian a ken tel chu ram țhang lai leh ram rethei te hnena China policy BRI (Belt and Road Initiative) hmanga hna a thawh sak avanga leiba tam tak, duh lohna leh sawiselna pawh a tel nghal a ni.

India ram țhenawm ram, Pakistan, Sri Lanka, Myanmar leh Bangladesh ram te hi China ram leibatna thangah nghet takin an awk tawh a, Nepal ram hi chutiang tura hel mek a ni bawk. BRI project hnuaiah hian kawng, lawng chawlhna, airport etc China sum hmang hian  loan anga  siamsak an ni a, hun tiam chhunga an rulh theih țhin loh avangin China chuan chung thilte chu kum engemaw zat atan a neih luih sak țhin a ni. 



 NEWS18.com
September 14, 2020
@ 11:39 IST
===15==09==20==
Huna Kawlvawm

Post a Comment

0 Comments