PRISM Party ṭhalaiin Civil mi kutthlaktu hrem ngei an duh; ram leh hnamin harsatna a tawh laia Home Minister neilo ang maia kan awm hi vanduaithlak kan ti - PRISM Thalai




Aizawl | Sep 20, 2020: PRISM Party ṭhalai chuan, Mizoram chhunga zofate himna tur atana thawktu Police thenkhatin Civil mi kut an thlak leh ringawt thin hi an dem a, hetiang tih ching thenkhat avanga kan Police hmel a bal fo hi an hriathiam loh thu leh thleng nawn tawhlo se an duh takzet thu thuchhuah siamin an tarlang.

PRISM Party ṭhalai chuan, Zoramin hun harsa a tawh mek laia mipui himna ngaihtuaha thawkrim tak tak kan Police te hnathawh hi a chhuanawmin an hah viau ang tih pawh kan ring chutih laiin hmun hrang hrang ah Civil mi kutthlak ching Police an awm leh zauh thin chu a pawi kan ti hle," an ti a.
"vawiin ni 20 September 2020 Chawhma dar 10 leh chhun dar 12 inkarah pawh khan Aizawl Bawngkawn Traffic point ah Police Full Uniform ha pawh nilo leh Traffic Police pakhat chuan Civil mi kut an thlak tih hriat a ni a, he Civil mi hian dan bawhchhiatna neiin dan lo zawmlo pawh nise Police te hian dan hmangin an man maitur a nih laia dan kengkawhtu tur berin dan zawmlo a kut an thlak ngawt hi thil dikthei a nilo a, hetiang a Civil mi kutthlak ringawt tu hi zawng chhuak a hrem ngei nise kan duh a, thuneitute kan ngen nghal bawk a ni. Police officers fel tak tak te hian an hnuaia thawkte hi zirtirna pe tha lehzual se kan duh bawk." tiin thuchhuah ah an tarlang.

 

PRISM Thalai chuan ramri venbuk hal a nih chungchang tarlang telin, " Zawlnuam VLTF (Village Level Task Force ) duty buk chu Tripura a Tuikuk awm ten an hal chhiatsak bawk a, Covid 19 hrileng ramdang atanga lo lut ru thinten an rawn kailuh lohna tur a mi tlawmngai te duty buk leh Bungrua pawnlam mi in an tichhia hi hriatthiam a har a, hetianga kan Police te mipui chunga an chesual ṭhin leh, hnam dangin min zuam em em mai hi kan Home Minister chak tawk loh vangah kan ngai a, ram leh hnamin harsatna a tawh laia Home Minister neilo ang maia kan awm hi vanduaithlak kan ti a ni." an ti bawk.

Post a Comment

1 Comments

He post chungchanga i ngaihdan lo sawi ve rawh: