Parliament-in bill pahnih, The Farmers' Produce Trade and Commerce (Promotion and Facilitation) Bill, 2020 leh The Farmers (Empowerment and Protection) Agreement of Price Assurance and Farm Services Bill, 2020 pass

September 20, 2020: Parliament chuan vawiin khan ram chhunga agriculture kalphung thlak danglamna tur leh loneitute sum lakluh punna tur bill pahnih a pass. 17th September 2020-a Lok Sabha in a lo pass tawh bill pahnih The Farmers' Produce Trade and Commercer (Protection and Facilitation) Bill, 2020 leh The Farmers (Empowerment and Protection) Agreement of Price Assurance and Farm Services Bill, 2020 te chu Rajya Sabha ah pass a ni a. Heng Bill te hi 14th September 2020 khan Union Minister of Agriculture & Farmers’ Welfare, Rural Development & Panchayati Raj, Pu Narendra Singh Tomar chuan pu lutin, 5th June 2020-a pawm tawh ordinance thlakna tur a ni.

Bill chungchang sawiin Minister Narendra Singh Tomar chuan sawrkar in PM Narendra Modi-a kaihhruaina hnuaiah kum 6 kalta atang khan loneitute hamthatna tur, an thar chhuah a pun theihna tur leh an sum lakluh a tam theihna turin ruahmanna hrang hrang a siam a ni a ti. Minimum Support Price chu hman chhunzawm a nni anga, hei hi PM pawhin alo tiam a nih tawh leh kum 2014-2020 chhungin nasa takin a pung a ni a ti a, kumin thlasik thlai atana hman tur MSP chu kar leh hian puan a ni ang a ti. Union Agriculture Minister chuan heng dan thar te hian loneitute a humhim ang a ti bawk.

The Farmers' Produce Trade and Commerce (Promotion and Facilitation) Bill, 2020
A tlangpui:
He dan thar hian loneitute leh an tharchhuah hmanga sumdawngte ecosystem felfai zawk a siam anga, an hralh tur leh lei turah zalenna an nei ang. State chhung leh state pawna hralh tur chungchanga harsatna awm thin te chu State Agriculture Produce Marketing dan ah te siam that an ni ang. Loneitute chuan an hralhna atangin pawisa emaw cess an chawi lo anga, a phurna man an chawi bawk lo ang. He bill hian tam zawkin electronic trading transaction (online) hmanga in dawr a nih theih nan ruahmanna a keng tel a ni. Hei bakah hian farmgate, cold storage, warehouse, processing unit etc te pawh a huam a. Loneitute chu khar chhawng awm lova an awmna hmuna an tharchhuah te an hralh a duhpui bawk.

Hriatchian lohte-
Minimum Support Price tihtawp a ni dawn tiha hriat chu thudiklo a ni a, chiang zawkin e-NAM Clarification ah tarlan a ni- Procurement of Minimun Support Price hi chhunzawm a ni anga, loneituten MSP rate in an hralh ang, kar lehah tihchhuah ani ang. Ruahmanna thar hnuaiah hian loneitute chuan mandi piah lamah an tharhchuah te an hralh thei dawn a, hetih lai hian e-NAM trading system chu an hmang chhunzawm reng thei bawk ang.

The Farmers (Empowerment and Protection) Agreement of Price Assurance and Farm Services Bill, 2020

A tlangpui-
He dan hnuaiah hian loneitute chu an thar chhuah sawngbawltu- processor, wholesaler, aggregrator, exporter etc te nen tam zawka an thawh ho theihna tura ruahmanna siam a ni. An thlai te an chin hma hauha a man hriat theihna tur ruahmanna soam a ni anga. Hralhchhuahna tura buaina an tawh lohna tura zirchhianna a awm hmasak theih nan heng te hi ruahman a ni a. Tunlai thiamna hmanga, thlai chi tha zawk an neih theih nan ruahman a ni anga, agriculture sector ah zirchianna uluk zawka kalpui tum a ni.

Hriatchian lohte-
Contract farming hnuaiah hian loneitute pressure nasa tak hnuaia dah an ni anga, engtin nge an thar chhuah man hriat theih an ni ang. Engtinge loneitu te zawk ten contract farming an kalpui theih anga, tuin nge sponsor ang. He ruahmanna hi loneitute tana buaithlak a nih bakah company liante tana hlawkna a ni. Hengte hi zawhna awm a ni.

A sawifiahna
Loneitute hian an contract hnuaia an hralh turah thuneihna an ni a. An hmuh tur pawisa te hi ni thum chhungin an hmu ang. Tunah hian ramchhungah Farmer Producer organization 10000 siam a ni tawh. Heng FPO te hian loneitu te zawk te hi hmun khatah dahin an tan hna an thawk ang.
Contract ziahfel anih hnuin loneituten a hralhna a hranin an zawn a ngai tawh dawn lova, an lo hralh lawkna te khan an lei mai ang. Hei hian thubuai/hlabuai tam tak a ti bo dawn a ni.


- PIB Aizawl

Post a Comment

0 Comments