Aizawl | september 20, 2020: Aizawl Bawngkawn traffic point-a Police in Driver kut an thlak vanga lungawilo driver rualin Bawngkawn-ah kawng an dang.
Vawiin chhuna thil thleng, Bawngkawn traffic point a Police in driver kut an thlak video darh chuan nghawng a nei thui hle a, Mizoram Truck Drivers Association hnuaia driver ten tlai thim hlim atang khan Bawngkawnah an lirthei hungin lungawi lohna an lantir niin thudawnna chuan a sawi.
Heti ang chi thil thleng chungchanga Ukil thuziak lo thlir ila, Police te hian hetia mi kut thlak theihna dan an nei reng em tih hi lo en ta ila, Advocate B Lalramenga chuan "CrPC emaw Dan dangah pawh Police emaw mimal emaw pawhin mi a manin kutthlak emaw diriam/rikrap emaw a phal thu a inziak reng renglo. Section 49 CrPC ah chuan mi man anih in a tlanbo loh nana tul bak khuahkhirhna piahlam ah a lakah khuahkhirhna dang siam loh tur a ti hial zawk a ni. Entirnan, Lock-Up a khung reng tawh chunga phuar beh tlat leh zel emaw a remlo tihna a ni thei ang. Kut inthlak ngawt te hi a diklo a, chutianga kut thlaktu chu Section 323, 324, 325 & 326 IPC ah te na taka hrem theih a ni." tiin a article 'Mimal rights inzahsak a pawimawh' tih ah a lo tarlang tawh.
(Advocate zahawmtak Pu B Lalramenga tawngkam anga lo dah palh kha, a tawngkam ni lovin, a thuziak (article) ziah tawha thu tlem lakchhuah a tarlan a ni e. Tihsual palh-ah thupha kan chawi e.)
(Advocate zahawmtak Pu B Lalramenga tawngkam anga lo dah palh kha, a tawngkam ni lovin, a thuziak (article) ziah tawha thu tlem lakchhuah a tarlan a ni e. Tihsual palh-ah thupha kan chawi e.)
PRISM Party Thalai chuan thuchhuah siamin, "Civil mi kutthlaktu hrem ngei an duh' thu an sawi.
An thuchhuah-ah chuan, "vawiin ni 20 September 2020 Chawhma dar 10 leh chhun dar 12 inkarah pawh khan Aizawl Bawngkawn Traffic point ah Police Full Uniform ha pawh nilo leh Traffic Police pakhat chuan Civil mi kut an thlak tih hriat a ni a, he Civil mi hian dan bawhchhiatna neiin dan lo zawmlo pawh nise Police te hian dan hmangin an man maitur a nih laia dan kengkawhtu tur berin dan zawmlo a kut an thlak ngawt hi thil dikthei a nilo a, hetiang a Civil mi kutthlak ringawt tu hi zawng chhuak a hrem ngei nise kan duh a, thuneitute kan ngen nghal bawk a ni. Police officers fel tak tak te hian an hnuaia thawkte hi zirtirna pe tha lehzual se kan duh bawk." an ti.
• Driver kut thlaktu hi suspend niin order tihchhuah ni a. Hemi hnu hian Driver lungawi lote hi buaina sang zawk thleng lovin an ṭin ta a ni.
PRSIM Ṭhalai thuchhuah kimchang hetah a awm.
An thuchhuah-ah chuan, "vawiin ni 20 September 2020 Chawhma dar 10 leh chhun dar 12 inkarah pawh khan Aizawl Bawngkawn Traffic point ah Police Full Uniform ha pawh nilo leh Traffic Police pakhat chuan Civil mi kut an thlak tih hriat a ni a, he Civil mi hian dan bawhchhiatna neiin dan lo zawmlo pawh nise Police te hian dan hmangin an man maitur a nih laia dan kengkawhtu tur berin dan zawmlo a kut an thlak ngawt hi thil dikthei a nilo a, hetiang a Civil mi kutthlak ringawt tu hi zawng chhuak a hrem ngei nise kan duh a, thuneitute kan ngen nghal bawk a ni. Police officers fel tak tak te hian an hnuaia thawkte hi zirtirna pe tha lehzual se kan duh bawk." an ti.
PRSIM Ṭhalai thuchhuah kimchang hetah a awm.
Post a Comment
He post chungchanga i ngaihdan lo sawi ve rawh: