COVID 19: Enkawl dam 12 chhuak; Hri vei dam tawh tamna ber Aizawl-ah mi 564 awm

Aizawl | September 20, 2020: Mizoram chhunga COVID-19 vei dam tawh mi 12 chu enkawlna hmun atangin vawiin khan chhuahtir an ni.

 

Sawrkar thuchhuah tarlan danin, hri vei enkawl dam tawhte hi State Referral Hospital Falkawn - Zoram Medical College (SRHF-ZMC) atangin mi  11 leh Pukpui COVID Care Centre (CCC) Lunglei atangin mi pakhat an chhuak a ni.

Tunah hian hri vei hi mi 576 awmin, enkawl dam tawh 1002 an awm a, an vaiin, hrivei hmuhchhuah tawh zawng zawng hi 1578 an ni. Heng zinga mi 1297 hi Mipa niin, 281 hi hmeichhia an ni.

Hri vei hi Aizawl district-ah tam berin mi 469 an awm a, Lunglei-in dawtin mi 432 an awm a, kolasib-ah 22 an awm a, Serchhip-ah mi 15 an awm a,  Lawngtlai-ah mi pakua an awm a, Saitual-ah mi pasarih an awm a, mamit-ah pali awmin, Siaha-ah pathum awmin, Hnahthial-ah pathum, Champhai  leh Khawzawl-ah mi pakhat ve ve an awm bawk  ani.

Hri vei dam tawh tamna ber chu Aizawl niin mi 564 an awm a, a tlemna ber chu Hnahthial niin pahnih an awm a ni.


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)






Post a Comment

0 Comments