COVID-19: Positive thar 26 hmusuok; Hri invawi enkawl lai 567 um

Aizawl | September 17, 2020: Zani khan Mizoram-ah COVID19 positive thar 26 hmusuok a a ni a, Zani khan hri vei dam tah mi 17 suok bawkin, hri invawi enkawl lai hi mi 567 an um mek a nih.
Zani khan sample 1200 chuong test niin hieng laia 26 hi a positive ta a nih.


Zanita positive hmusuok tharhai hi ZMC a inthawk mi 13, Rapid Antigen Test a inthawk 10 le TrueNAT hmangin mi pathum an nih.

ZMC RT-PCR positive 13 hai hi tuolsung a hri inkai dar vawng niin, travel history neilo pasal panga le nuhmei pariet niin, Aizawl khawpui sunga veng hran hrana mi an nih.

RAgT positive hai hi Bawngkawn South ami nupa kum 38 & 40 le an nau kum 5 mi Positive contact a inthawka kai, Bawngkawn mi sungkaw member pali k-83, 36, 10 le kum 7 hai niin positive contact a inthawka kai an ni a. Chanmari ami pakhat le Serchhip district-a mi BSF pahni k-29 le 42 State puo a inthawka hung kir khumhran mek hai an nih.

TrueNAT positive hai hi Lunglei mi  BSF pakhat kum 30 a upa quarantine facility um lai, Serchhip mi pasal pakhat kum 20 a upa State puo mi quarantine centre um lai le Hnahthial ami pasal pakhat kum 40 a upa Jharkhand a inthawk hung quarantine centre a um lai hai an nih.

Nimin khan sample 1,266 test niin, ZMC ah sample 796 test a ni a, TrueNAT khawl hmangin sample 125 test niin, Rapid Antigen Test hmangin sample 345 test a ni bawk.
Hri invawi hmusuok ta po hi mi 1506 niin, pasal 1232 an ni a, nuhmei 274 niin,  enkawl lai mi 567 umin, dam tah mi 939 an nih.

Hri invei hi Aizawl district-ah tam takin mi 488 an um a, kolasib in dawtin 22 an um a, Lunglei le Serchhip-ah mi 12 ve ve an um a, mamt-ah mi 11 umin, Saitual-ah mi pasari an um a, Lawngtlai le Hnahthial-ah mi panga ve ve an um a, Siaha-ah pali umin, Champhai ah mi pahni le Khawzawl-ah mi pakhat an um bawk  a nih.

Hri invawi dam tah tamna tak chu Aizawl niin mi 519 an um a, a tlawmna tak chu Khawzawl niin pathum an um a. Hnahthial district chu hri invawi dam la um thak nawna district an ni mek a nih.



(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

1 Comments

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post