Columnist, Explore Mizoram
Zee Music Company ho hla tihchhuah pakhat 'Beyonce Sharma Jayegi' tih chuan sawisel a hlawh nghal hle a. An tihchhuah atanga reilote ah youtube ah 67k dislike a nei nghal a, hei hi eng dang vang ni lovin Beyonce vang a ni.
Ishaan Khatter leh Ananya Panday te movie chan thar Khaali Peeli movie-a hla pakhat Beyonce Sharma Jayegi (Beyonce pawh a zak ang ) tih hla ah chuan 'After looking at you fair woman, Beyoncé would feel shy' tih chu an zep tel mauh mai.
He hla hi Netizen te chuan hnam inthliarhranna (racist) tiin an sawisel nghal a, vun hang duh loh na leh vun ngo te ngaihsanna leh chawisanna a ni an ti.
Beyonce hian kar thum liamta maiah khan hla thar 'Brown Skin girl' a ti chhuak a, he hla hi vun hang leh vun uk te thlavang hauhna leh a mawi ve tho zia tarlanna hla a ni a, a MV ah hian Indian nula pawh a lang ve nghe nghe. Mahse Beyonce in hetiang hla a tih chhuah laia Bollywood lamin vun hang hmuhsitna lam hla an ti chhuak ta mai hi Bollywood fans te chuan internet kaltlangin Beyonce hnenah ngaihdam an dil nghe nghe.
(Brown skin girl MV ah Indian nula)
A hla satu leh siamtu te mai bakah a changtute Ishaan Khatter leh Ananya Panday te chuan instagram leh twitter lamah chhaih leh sawisel an hlawh takah chuan Beyonce tih chu Beyonse tiin an thlak a mahse nizan September 16 ah khan Beyonse tia an thlak tawh chu Duniya (khawvel ) tiin an thlak leh ta a ni.
Bollywood ah hian he hla chauh hi vun ngo te ngaihsanna lam hawi an vawikhat tarlanna a ni tawh lova vawi tam tak vun hang te hmuhsitna leh hnuaichhiahna lamhawi hi an lo tilang fo tawh a, thil thar a ni tawh lo.
Bollywood actress Bipasha Basu pawh Bollywood-a a luh tirh khan a vun hang avangin sawisel leh nuihzat alo hlawh tawh bawk a ni.
He hla a Beyonce hming an hman chhan hi a hla nen a inmil vang nge an movie tihlar an tumna ni ta ang?
Remruati Bawitlung Blog - http://remruatihaylor.blogspot.com/
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Twitter: https://twitter.com/exploremizoram
Instagram: https://www.instagram.com/explore.mizoram
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: