COVID 19: Positive 28 hmuh belh; Aizawl district-ah positive 498 awm mek!

Aizawl | September 18, 2020: Nimin khan Mizoram-ah COVID19 positive thar 28 hmuhchhuah a ni. Hri vei dam tawh mi 10 chu nimin vek khan Thingdawl CCC atangin 3 leh SRHF-ZMC atangin 7 chhuahtir an ni.

Hri vei enkawl lai mi  585 awm mekin, heng zinga 498 chu Aizawl district a mi an ni.

Nimina positive hmuhchhuahte hi ZMC RT-PCR atangin 18, Rapid Antigen Test atanga hmuhchhuah positive pahnih leh TrueNAT atanga hmuh positive pariat te an ni.

ZMC RT-PCR positive te hi Zokhawsang QF-a awm lai Assam Rifles mi leh sa vek kum 25 atanga kum 54 inkar symptoms neilo vek an ni.

  

RAgT positive te hi Aizawl District atangin Bawngkawna cheng mipa kum 37 a upa, symptoms nei positive contact atanga kai leh Kolasib District atangin Mipa pakhat kum 26 a upa Assam a cheng, Truck driver, Bairabi entry point a test niin, symptoms nei lo a ni.

TrueNAT positive-te hi Lunglei District a tangin BSF mi leh sa paruk, kum 26 atanga kum 41 inkar Andhra Pradesh, Telangana & Odisha atanga lo kal QF a awm lai an ni a. Serchhip District atangin Mipa pahnih kum 26 leh kum 27 a upa Assam atanga lo kal, Tantia Construction Company hnathawk, Thenzawl-a anmahni hmun a in quarantine mek, symptoms nei lo an ni.


Hri vei hmuhchhuah tawh zawng zawng hi mi 1534 niin, mipa 1260 an ni a, Hmeichhia 274 an ni. Hri vei enkawl lai mi 585 awmin, dam tawh mi 949 an ni.

Hri vei hi Aizawl district-ah tam berin mi 498 an awm a, kolasib in dawtin 20 an awm a, Lunglei-ah 18 awmin, Serchhip-ah mi 14 an awm a, mamit-ah 11 awmin, Saitual-ah mi pasarih an awm a, Lawngtlai leh Hnahthial-ah mi panga ve ve an awm a, Siaha-ah pali awmin, Champhai ah mi pahnih leh Khawzawl-ah mi pakhat an awm bawk  ani.

Hri vei dam tawh tamna ber chu Aizawl niin mi 526 an awm a, a tlemna ber chu Khawzawl niin pathum an awm a. Hnahthial district chu hri vei dam la awm miah lohna district an ni mek a ni.


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)


Post a Comment

0 Comments