Hripui vangin National Games vawi 36-na hun sawn

Sept 17, 2020: National Games vawi 36-na October 20 atanga November 4, 2020 chhung a Goa-in a thlen tura lo ruahman tawh chu Covid-19 hripui leng vangin sawt hlat a ni.



National Games hun sawn hlat anih thu hi Union Minister of State (IC)  for Youth Affairs and Sports Pu Kiren Rijiju chuan Lok Sabha ah vawiin khan ziakin a hriattir a ni.

National Games vawi 36-na atana inbuatsaihna leh infiamna hmun hma tihchangtlunna atan Sorkar laipui chuan Goa Sorkar hi tanpuina cheng vaibelchhe 97.80 a lo pechhuak tawh a ni.

Infiammite leh team-te chuan State Sorkar, National Sports Federations,  Sports Promotion Boards leh a dangte atangin National Games chungchang hi chiang takin an hre thin a.  National Games neih hun tur ni ruatfel a nih hnuah chuan Indian Olympic Association leh National Games Organizing Committee-te chuan thupuan zarna chi hrang hrang print media,  electronic media,  social media hmangin ram chhung mipuite hnenah National Games neih tur chungchang hi an promote thin a ni.

Khelo India University Games hmasa ber chu February ni 20 atanga March ni 1, 2020 chhung khan Odisha-ah hlawhtling taka lo neih a ni tawh a. He Games-ah hian University 158 atangin infiammi 3182 telin infiamna chi 17-ah inelna an nei a ni.

- PIB Aizawl

Post a Comment

He post chungchanga i ngaihdan lo sawi ve rawh:

Previous Post Next Post