CCC THINGDAWL A DRIVER LEH HANDYMAN 72 CHHUAH

Kolasib | September 14, 2020: Covid Care Center a Driver leh handyman Covid-19 Positive mi 72 te chu an negative tawh avangin vawiin tlai dar 5:20 vel khan chhuah an ni a, Lailapur-ah Driver leh handyman te hi dahthlak an ni ang.

Kolasib district magistrate chuan, "Non Mizo Driver leh handyman Mi 72 Covid Care Center, Thingdawl atanga vawiin tlai a chhuahte chu, ni 7 chhung Home Quarantine tura tih an nih avangin Vairengte Gate-ah ni 7 chhung chu luh phalsak an ni lovang." a ti.

Hetihlai hian Cachar Driver Association te chuan Lailapur-ah Mizoram a Motor lut tur an la dang a, hmalak zui zel dan tur an ngaihtuah mek ni a thudawn a ni.

Mizoram-ah vawiin tlai thleng khan lirthei rawn lut a la awm loh thu Vairengte Police Station Officer Incharge Lalchawimawia chuan kan palai a hrlh a, Cachar Driver Association nen a inbiakna an la neih loh thu Isaac-a SDO (Civil) chuan kan palai a hrilh bawk a ni.

Lailapur lamah ruah a sur nasat avangin inbiakpawhna kawngah harsatna a awm avangin tawng inhriat pawh a har hle a, ruahsur ban lamah Cachar Driver Association hmalak tum zel dan a hriat thei ang. 


- ZMP Tlau

Post a Comment

0 Comments